[محمد بن سلمان]

اخوني اسرة هذا الموقع العملاق يسرني بعد غيابي عودتي لكم بهذه المتواضعه

ياهاجسي سرج جواد المراميع=واتعب من اجلي ياطويل الذراعي
انته رفيقي في جميع المواضيع=وقت السعه والا بضيق المساعي
اسرح معك في عالم الفكر واريع=واقول لك عن رحلتي وانطباعي
ل الشعر قاف وللمواقف صعاصيع= والسيف فعله من يمين الشجاعي....
ياراكب اللي مابعد عرض للبيع= من احدث انتاج الزمان الصناعي
مرفوع صدره مايبي منك ترفيع=وان ضاق دربه صار دفعه رباعي
لافيه لاكتمه ولافيه تقطيع=يقطع جراهيد الفجوج القطاعي
اليعترض يشبه لمرو البواتيع=والياقفيته مدرجات القلاعي
واليانطحته شع وجهه شعاشيع=يشبه لوجه ام العيون الوساعي
مشروع ناجح من خيار المشاريع= للي لتصميمه قدر واستطاعي
والبدو لاهبة هبوب الذعاذيع= يحصل لهم مثل اللقاء والوداعي
تشريه لو باعة حليب المراضيع= يااااهي جريمه في حقوق الرضاعي
يلفي على اللي يعتبر سدٍ امنيع=قلب الحكيم ونظرة الاجتماعي
الشاعر اللي في بيوته مواضيع= تفرق بيوته عن بيوت المعاعي
قل له ترى سودالليالي مضاريع= بين الحمام وبين رقط الافاعي
واللي يجر الصوت لوايق الريع= وتلج مع صوته حلوق الجياعي
اكيد ماحصل بدربه تسانيع= كشر بوجهه مبتسم ل الصياعي
والحض درب اتدلبه يوم وتضيع= والخير بعدك عن دروب الضياعي
والليل هو وقت النجوم اللواميع= لزاد بالضلمى تزيد ابشعاعي
واللي حياته في دعايه وتلميع= تراه والا اقول مافيه داعي
وسلم على خشمه وقل علم ومذيع= وقل له يقول الك الخبر لايذاعي

وسلامتكم

محمد سلمان

الموضوع الأصلي: ((جواد المراميع)) | | الكاتب: محمد بن سلمان | | المصدر: شبكة بني عبس

[مرزوق العجوني]

صح لسااانك اخوي محمد ولا هنت وتقبل مروري

[عبدالله معزي]

محمد بن سليمان
صح لسانك
قصيده جزله
تحياتي

[عايض بن صالح]

اقتباس من مشاركة محمد بن سلمان اخوني اسرة هذا الموقع العملاق يسرني بعد غيابي عودتي لكم بهذه المتواضعه ياهاجسي سرج جواد المراميع=واتعب من اجلي ياطويل الذراعي انته رفيقي في جميع المواضيع=وقت السعه والا بضيق المساعي اسرح معك في عالم الفكر واريع=واقول لك عن رحلتي وانطباعي ل الشعر قاف وللمواقف صعاصيع= والسيف فعله من يمين الشجاعي.... ياراكب اللي مابعد عرض للبيع= من احدث انتاج الزمان الصناعي مرفوع صدره مايبي منك ترفيع=وان ضاق دربه صار دفعه رباعي لافيه لاكتمه ولافيه تقطيع=يقطع جراهيد الفجوج القطاعي اليعترض يشبه لمرو البواتيع=والياقفيته مدرجات القلاعي واليانطحته شع وجهه شعاشيع=يشبه لوجه ام العيون الوساعي مشروع ناجح من خيار المشاريع= للي لتصميمه قدر واستطاعي والبدو لاهبة هبوب الذعاذيع= يحصل لهم مثل اللقاء والوداعي تشريه لو باعة حليب المراضيع= يااااهي جريمه في حقوق الرضاعي يلفي على اللي يعتبر سدٍ امنيع=قلب الحكيم ونظرة الاجتماعي الشاعر اللي في بيوته مواضيع= تفرق بيوته عن بيوت المعاعي قل له ترى سودالليالي مضاريع= بين الحمام وبين رقط الافاعي واللي يجر الصوت لوايق الريع= وتلج مع صوته حلوق الجياعي اكيد ماحصل بدربه تسانيع= كشر بوجهه مبتسم ل الصياعي والحض درب اتدلبه يوم وتضيع= والخير بعدك عن دروب الضياعي والليل هو وقت النجوم اللواميع= لزاد بالضلمى تزيد ابشعاعي واللي حياته في دعايه وتلميع= تراه والا اقول مافيه داعي وسلم على خشمه وقل علم ومذيع= وقل له يقول الك الخبر لايذاعي وسلامتكم محمد سلمان

الشاعر اللي في بيوته مواضيع =تفرق بيوته عن بيوت المعاعي
قل له ترى سود الليالي مضاريع= بين الحمام وبين رقط الافاعي

الله الله عليك يابو نايف


صح الله السانك على هالشامخه

تقبل تحياتي

[احمد منيف]

صح الله لسـانك اخوي لاهنت يابعدي :)