[النمر1012]

دمع تحـدر فـوق الاوجـان دفـاق
جاراه حبـر فـوق الاوراق رايـق
حبري ودمعي فالهوا صارن ارفـاق
وكلن على كيفـه يصـوغ الحقايـق
الدمـع وضـح ماكتمتـه فالاعمـاق
في ضامري وسط الضلوع الغلايـق
صبرت واخفيت المحبـه والاشـواق
لين ان نار الحب صـارت حرايـق
ولولا ضلوعي ضبت القلب باوثـاق
والا تـمـزع ماتفـيـد العـلايـق
والحبر صاغ الفكر في بيض الاوراق
تصريف هجس اللي به الفكر ضايـق
لي هاجس عاشـق وللشعـر يشتـاق
يلهيه نظـم الشعـر ضايـق ورايـق
ولي صاحب يسوى طويلات الاعناق
وفي خاطري تفـداه كـل الخلايـق
دايم على وصلـه معـذب ومشتـاق
وياما على شانـه حسبـت الدقايـق
عهـد المحبـه حافظينـه بميـثـاق
مـادام روحـي مالفـت للتـرايـق
واقسمت له باللي كفل كـل الارزاق
اني علـى حبـه اصـون الوثايـق
وعقب الغلا والوجد ومزوح عشـاق
جار الزمان وصار بعـض العوايـق
وحل الفراق وصحت ياشين الافراق
والقلـب للهجـران ماهـوب طايـق
ولو صحت لو ناديت والقلب خفـاق
لو قلت انا المسروق والعشـق بايـق
حكمه وصـارت للمحبيـن طـوراق
وقـول السديـري فالدواويـن فايـق
(ياليت ربي ماخلق حـب وفـراق )
ليه الهواوي لا سمعهـا تضايـق

الموضوع الأصلي: والحبر صاغ الفكر في بيض الاوراق تصريف هجس اللي به الفكر ضايـق ق--ش | | الكاتب: النمر1012 | | المصدر: شبكة بني عبس

[سيوف بني عبس]

نمر صح لسان شاعرها وتسلم الايادي ع نقل
قصيده ليست جميله ولا كنها بغايه الروعه وجمال
وقصيده مليئه بالاحسايس

مشكوووور *

[عايد2001]

واقسمت له باللي كفل كـل الارزاق اني علـى حبـه اصـون الوثايـق

صح السان شاعرها
ولاهنت على نقل القصيده

[غربة الروح !!]

ابياااات رووعه ..لاهنت اخووووي

[النمر1012]

صح بدنكم والله يسلمكم الجميع
ومشكورين على المروررررررررررررررررر

[ابوصالح لرشيدي]

صح السان شاعرها
ولاهنت على نقل القصيده

[كحيلة]

عهـد المحبـه حافظينـه بميـثـاق
مـادام روحـي مالفـت للتـرايـق
واقسمت له باللي كفل كـل الارزاق
اني علـى حبـه اصـون الوثايـق

صح الله لسان شاعرها..وتسلم يمينك ع النقل الطيب..
لاخلا ولاعدم..

[احمد منيف]

واقسمت له باللي كفل كـل الارزاق اني علـى حبـه اصـون الوثايـق

صح الله لســــــــــان شاعرها ومشكور اخوي ع النقل الممتــاز