[دامي الحرف]

بسم الله الرحمن الرحيم

السلام عليكم ورحمة الله وبركاته

يعلم الله بأنها كيبورديه
وأتمنى بان تليق وتسمو لذائقتكم

لكزت .. جزلات القصايد بشوفك = وابديت انا .. من ضيقتي ما مضالك
يامن سبق نورك .. ليالي كسوفك = لاتستثير الحزن .. قرب خيالك
اسمع كلامي .. واستعد لوقوفك = من قبل ماتصفق .. يمينك شمالك
كان البحر .. سبب نفورك وخوفك = وهبت معاصيره .. وبيَن هبالك
لاتستهين .. اللي عيونه تروفك = واللي على ضعفه .. نهض لك وجالك
لاصرت ما تحشم .. وتكرم ضيوفك= و تضيق لا مر الفتى .. فـي مجالـك
خلك على وضعك .. وكمل عزوفك= ماني على الفُرقا .. مُعذب وهالـك
ماعاد لي قلـبٍ .. يخايـل طيوفـك= ولاعاد لي نفسٍ .. تـدور وصالـك
بوادعك .. وأنسى وافارق حروفـك= وعل وعسى .. تلقى مع الغير فالـك
روح .. وعيش العيد وأذبح خروفك = وخلك على درب التقى .. دوم سالك
وجعل الفرح ..ينبت زهر في كفوفك = وتشوف رفقات الزمن .. في عيالك
وتم الكلام .. اللي نضمته بشوفك = وهذا الذي .. ياذاهبه .. قد بقا لك

وكل عام وأنتم بخير

الموضوع الأصلي: يامن سبق نورك .. ليالي كسوفك ... لاتستثير الحزن .. قربْ خيالك | | الكاتب: دامي الحرف | | المصدر: شبكة بني عبس

[(ابوعواض)]

الله الله


تغيب وتاتي بالجزززيل


صح لسساااااانك

وكل عام وانت بالف خير ^_^

[سالم الرشيدي]

دامي الحرف
تسلم ياالوافي
وكل عام وانت بخير

[دامي الحرف]

اقتباس من مشاركة (ابوعواض) الله الله تغيب وتاتي بالجزززيل صح لسساااااانك وكل عام وانت بالف خير ^_^

عل وعسى شمسك
ماتغيب
يابعد جبدي
اشكرلك هالمروور الجميل والراايع والطيب

[دامي الحرف]

اقتباس من مشاركة سالم الرشيدي دامي الحرف تسلم ياالوافي وكل عام وانت بخير

لاهنت يالذيب الله لايهينك على هالمروور الطيب والجميل لاهنت

[ذيبان الرشيدي]

يعطيك العافيه
نص رائع وطيب

لاهنت

[عايض بن صالح]

ياسلام عليك يادامي الحرف اسم على مسمى

عيديه جزله

[دامي الحرف]

لاهنتم جميع أشكر لكم هالتواجد النظر والعطر
وبيض الله وجيهكم