[بندر الشويلع]

صعب

لامنك فشلتوصعب لامنك لقيت

ان من يكره نجاحك يدري انك مانجحت


أمس ضقت ورحت أقلب ذكرياتي وانتهيت


عند صورة طفل صوته مثل صوتي لاانجرحت

وش مثل لاوالله الاهذا أنا يوم ابتديت


أنطق حروف تلعثم في لساني لاانمدحت


هذا أنا يوم الحياة بنظرتي عشرين بيت


ومسجدين ومدرسه من طين كم فيها اصطبحت


هذا أنا وأصبحت أتمتم هذا أنا حتى بغيت


أختنق بس القدر عيا على موتي وطحت


وصاح صوت الطفل فيني انت من وين ارتميت


قلت أنا المستقبل اللي فيه كم همت وطمحت


أمس كنت أبيك تكبر بس والله لودريت


اني اللي عشت لجله مت عندك واسترحت


لو دريت ان الزمان يجر رجلي ماعديت


ولو دريت ان البحور بلا مواني ماسبحت


كان دربك لي طويل وكل ماشفتك هويت


قلت لك كبوة جوادوماكبيت الا وجمحت


ليه تسمعني وتمشي؟؟..آآآآآه ليتك مامشيت


وآه ليتك من كثرعثرات الأيام انتصحت


ضاعت أحلامي وظل الحزن فيني واهتديت


للطريق اللي يوديني على دمعي ورحت


يالحزن ليتك مثل دمعي وتنزل لارقيت


بس أعرفك لو مسحت الدمع تبقى ماانمسحت


كان حلمي في وجود انسان يبكي لابكيت


وصارحلمي في وجودانسان يفرح لافرحت


كنت أشوف الناس مثلي كل ماجعت وضميت


مادريت ان الأوادم ناس فوق وناس تحت


آآآآه يااول ذكرياتي خذني بحضنك نسيت


لسألك عن وجه أبوي اللي معه ياماسرحت


وخذني بحضنك أبغفى ياااه مبطي ماغفيت


وان لمحت دموع عيني سو نفسك مالمحت


خذني بحضنك وبعثر في جروحي وان قضيت

هزلي كتفي وقل لي(عيب تبكي لو سمحت)


اضحك وعلم زماني من أنا من وين جي


طق باب الحزن واصرخ في لامني فتحت


وضمني يمك وكمل ضحكتك لامن بكيت


ودي أذكركيف كانت ضحكتي لامن فرحت

الموضوع الأصلي: صعب لامنك فشلت وصعب لامنك لقيت | | الكاتب: بندر الشويلع | | المصدر: شبكة بني عبس

[نايف ابن عليثه]

الله الله

يآبنـدر

رآئع آنت وأختيآرك ..

لآهنت ..

[بندر الشويلع]

مشكور اخوي نايف بن عليثه على مرورك الطيب

[راسبه بالحب]

سلمت الايادي ... ,,,انتقاء رائع..
كلمات جميله فيها من الالم الشيء الكثير..
كل الشكر...
دمت بود..

[بندر الشويلع]

مشكوره اختي راسبه بالحب على مرورك الطيب

[بندرأبن طريف المظيبري]

	ان من يكره نجاحك يدري انك مانجحت أمس ضقت ورحت أقلب ذكرياتي وانتهيت بندر الشويلع على شانك كفو يا سمي. أختيار موفق مبدع بيض الله وجهك

[بندر الشويلع]

مشكور اخوي بندر على مرورك الطيب

[لايطول غيابك]

صح لسسسسسسآن شاعرها
و
سلمممت يمنــآك ع الاختيارالرائع..