[مروان الرشيدي]

صاحبي لادارت الايّـام واضنـاك الفـراق
.......واستباحك كل جرح وصار لك مثل الخـوي

اذكر اللي من فراقك ضاق صدره واستضا
.......حالته تِشكى وصدره من همومـه مرتـوي

كنّه المسجون ظلم وحِـط بيديـه الوثـاق
.......وصار مجرم في عيون الناس لوانّه سِـوي

لبّسوه التهمه اهل الكـذب ودعـاة النفـاق
.......وانكر التهمه وقالوا عنـه خـادع فهلـوي

وِانْحكم من غير حق وغاب عن وعيه وفاق
.......في غياهب سجنه المظلم حزيـنٍ منطـوي

وانت يانبض الخفوق ومنهله عذب المـذاق
.......لاتزوّد ضيقة اللـي مـن زمانـه منكـوي

حنّ وارفق وان بغيت الصدق هجرك مايطاق
.......قلتها والضعف ماهو ديدن الشخص القـوي

لكـن الدنيـا غلابـاً والهـوى بالاتفـاق
.......والحظوظ العوج في وقتٍ عَوَج ماتستـوي

والاّ وش حَدّ العراقي يبكـي بـلاد العـراق
.......غير غَدْر المعتدين ولالقا شخـص حمـوي

ينتصرله في زمان الفتنه وعصر الشقـاق
.......يوم أفـواه المدافـع صوتهـا يِـدْوي دَوي

ولو تقول انّي بهذي قِد خرجت عن السيـاق
.......عادة الاحزان تلوي عاتق الشاعـر لَـوي

وانت لو قدرت مره بس معنـى الاشتيـاق
.......ماتركت الحزن يعوي داخل ضلوعي عـوي

مير لا دار الزمان وذوّقـك طعـم الفـراق
.......أذكر اللي من فراقك منكـوي قلبـه كـوي


.


.


رآقت لي .

الموضوع الأصلي: صاحبي لادارت الايام واظناك الفراق اذكر اللي من فراقك منكوي قلبه كوي | | الكاتب: مروان الرشيدي | | المصدر: شبكة بني عبس

[راسبه بالحب]

سلمت الايادي ... ابيات رائعه ..


حنّ وارفق وان بغيت الصدق هجرك مايطاق
.......قلتها والضعف ماهو ديدن الشخص القـوي

[مروان الرشيدي]

الله يسلمك رآسبه


ونورتي الحته بتوآجدك

[سحايب]

وراقت لنا صح الســان شاعرها
وسلمت يمناك متميز ه ذائقتك
يعطيك العافيه

[مروان الرشيدي]

.


الله يعافيش أختي دمعه منوره

[لايطول غيابك]

صــــــح لســآن شآعرهــآ ..
و
سسسلــمت يمنــآك ع الآختيــآر الرائــــع ..

[الرااااقي]

روعــه ماشــآء الله ..

سلــمت يمنــآك ع الطرح ..