[سحايب]

[frame="7 80"]

أنا يعجبني الرجل الأصيل الشهم عالـي الشـان


عزيز النفس كسب الطيب عـاده مـا يخليهـا

وأحب اللي بوقت اللازمه يصهل صهيل حصـان

وتعجبنـي رجاجـيـلٍ بعـيـداتٍ هقاويـهـا

وأحب اللي ليا منه عـلا فـي جـوه الدخـان

يوردها حيـاض المـوت روحـه مـا يداريهـا

إلى منه قعد سلطان وإلى منـه ركـب شيطـان

قوي الباس عرب السـاس خيلـه مـا يعفَيهـا

وأحب اللي ستر وجهه شـراه بغالـي الأثمـان

إلى من باعو الشيمه بغالـي الـروح يشريهـا

وأحب اللي يخاف الله يجيك من العقـل رويـان

يشيـر بخيـر وأهـل الخيـر للخيـره يدليهـا

وأحب الشهم ممدوح السجايا صافـي الوجـدان

إلى من جـوه ضيفانـه علـى نفسـه يبديهـا

وأعز اللي يهلي بالضيـوف ويشعـل النيـران

وأبي قولة هلا من قلب والعشيـات مـا ابيهـا

أبي الدله وأبي الفنجال أبي الترحيب بالضيفـان

أبي جلسة نشامى راعـي المجلـس يقهويهـا

أبي لي سالفة عدله معاها مـن الشعـر قيفـان

تشدك حكمة الأجـداد يشـدك صـوت راويهـا

أبي النخوه وأبي الفزعه وأحب مجالس الشجعان

هل العادات والفزعـات نِعـم لا حـل طاريهـا

هل الشيمه هل القيمه هل المعروف والإحسـان

هل التقديـر والتأثيـر واللـي بيـض أياديهـا

وأحب اللي ليا جوه النشامـى يفتـح البيبـان

كريمٍ من قديـم الوقـت ليـا صكـت لياليهـا

أحب المرجلـه وأصحابهـا وأأأقـدر الفرسـان

بخيصٍ فـي معانيهـا قبـل لبحـث خوافيهـا

وأعرف اللي يخوض المعركه لا صار بالميـدان

يمشيهـا علـى رايـه وياخذهـا ويعطيـهـا

وأحب اللي سوالفهم ذهـب مـوزون بالميـزان

مهـو خبـلٍ يخـم السالفـة بعديـن يخطيهـا

وأحب اللي رفع نفسه وجنبه مجلـس الحقـران

حشيمٍ ما لقـى حشمـه تركهـا مـا يدانيهـا

عرف نفسه لـزم حـده ولا هايـن ولا ينهـان

إلى مـن زادت اللجـه يجنـب عـن بلاويهـا

وأحب من الرجال اللي يسمى شمعـة الديـوإن

إلا منـه تـحـدث كــل كلمـاتـه ينقيـهـا

ولا أحـب اللئيـم اللـي تصيَـد زلـةٍ بلسـان

إلـى منـه سمـع زلـة رفيقـه مـا يغطيهـا

وأحب اللي ليا سوى غلط قال العفـو غلطـان

حلاة الرجـل لا منـه جـرح روحـن يداويهآ..

[/frame]
[frame="7 80"]







[/frame]

الموضوع الأصلي: أنا يعجبني الرجل الأصيل الشهم عالـي الشـان | | الكاتب: سحايب | | المصدر: شبكة بني عبس

[فضي البراك]

الرائعة دمعه ،،

أختيار جميل ورائع ،،

لا هنتي ،،،

[حميدان نوران]

ابداع في ابداع
سلمت يمينك

[سحايب]

اقتباس من مشاركة فضي البراك الرائعة دمعه ،، أختيار جميل ورائع ،، لا هنتي ،،،

لاشنت فضي مشكورعلى مرورك

[سحايب]

اقتباس من مشاركة حميدان نوران ابداع في ابداع سلمت يمينك

ويمينك الابداع مرورقلمك لاهنت
لك خالص شكري

[احمد منيف]

قصيدة جميلة لاهنتي دمعه

[سحايب]

اقتباس من مشاركة احمد منيف قصيدة جميلة لاهنتي دمعه

لاشنت احمد مشكورعلى مرورك العطر

[مرزوق العجوني]

صح لساااان شاعرها ولا هنتي على النقل اختي