[أحمد عبيد الهنيدي]

(الهنوف) الهنوف اللي ليا كبرت كبر عندي غلاها=شاب راسي كبر سن وحبها توه مشيبه كل لحظة في حياتي كنها لحظة لقاها=وكل معلوقٍ تمره وسط قلبي تلتويبه كل نبضة قلب تعلن عن محبتها ولاها=كن دقاته تردد يالحبيبة يالحبيبه اعرف قلبي عشقها وان عشقها ما نساها=وادري ان الحب جرح القلب والجارح طبيبه والمصيبه ما شبيه المستحيل إلا لقاها=ورغم كل البعد هذا عايشه مني قريبه ادري ان الله بلاني في غلاها وبتلاها=صابها ما صابني ودري مصيبتها مصيبه ياقصيدي كان جت تقراك وتحرك شفاها= ما حضنك الا كرزها وجمرها بارد لهيبه وكان قامت قومت كل المشاعر من وراها=وكان لدت حورها سهم المنايا بالضريبه كل ما فيها جمال من الحلا ربي عطاها=كل ما جيت انتهي من وصفها زين ابتديبه ياعسى كل القصيد وكل ما املك من فداها=وياعساي ان شبت يبقى حبها ويبطي مشيبه أحمد عبيد الهنيدي

الموضوع الأصلي: الهنوف اللي ليا كبرت كبر عندي غلاها | | الكاتب: أحمد عبيد الهنيدي | | المصدر: شبكة بني عبس

[عبدالله المظهور]

مليون مليون صح لسانك ايها الهااااااااااااااااااااامور الشعري الرائع
قصيده عاطفيه من الوزن الثقيل

بيض الله وجهك يااحمد

وفقك الله

صح لسانك

تقبل تحياتي وتقديري واحترامي

[عبداللطيف العايضي]

والمصيبه ما شبيـه المستحيـل إلا لقاهـا
ورغم كل البعد هذا عايشـه منـي قريبـه
ياقصيدي كان جت تقراك وتحـرك شفاهـا
ما حضنك الا كرزها وجمرها بـارد لهيبـه
وكان قامت قومت كل المشاعر من وراهـا
وكان لدت حورها سهم المنايـا بالضريبـه

شاعري العزيز والقدير أحمد البويدي أستاذي وقدوتي بالشعر
صح للسانك مليااااار مره يا أبو عبدالله
والله يخوني التعبير حينما يلوح أسمك على فكري وأكتفي بهذه العبارة
الصمت هُنا أعذب من الكلاااااااااام

تقبل أجمل التحايا

[أمـ الشوق ـير]

صح لسآنك على هالجزله ، وبيض الله وجهك

[ميلاس]

‎
صح لسآنك ..
‏ ‏