[رسام الغروب]

ياعين لاتبكين صاحبك لامات
ابكي على من مات قلبه وهو حي
يالاهي بدنيا الهوى والمسرات
ماانته امّاخذ من ورى دنيتك شي
ارجع لربك صل خمس الصلاوات
يازينه اكتابك بيمناك ياخي
احد ٍ يموت وشاف بالقبر ويلات
مسوّد وجهه مالقى بالقبر في
واحدٍ وراه الناس تمشي مسيرات
لاشفت وجهه مبتسم كنه الضي
دنياك ماتصفى على كل الاوقات
لو هي صفت راحت لصدام وعدي
الموت له حزه يجي بين لحظات
مافيه لاوقف ولااصبر شوي
مافات مات ولاتحّسب لمافات
اصحى وقل للنفس يالله توعي
الله رحيم ٍ قبل طي السجلات
من قبل لاتطوى على الادمي طي
وابعد عن ادروب الردى والعلاقات
ماتنفعك ساره ولاتنفعك مي
للشعر سكره بس للموت سكرات
لاجاء الاجل ماينفع الطب والكي



منقووول

الموضوع الأصلي: الموت له حزه يجي بين لحظات | | الكاتب: رسام الغروب | | المصدر: شبكة بني عبس

[عبدالله معزي]

اشكرك على النقل
صح لسان الشاعر
تحياتي

[رسام الغروب]

صح بدنك عبدالله معزي ويسعدني تواجدك شاكرلك

[رسام الغروب]

صح بدنك عبدالله المعزي ويسعدني تواجدك وشاكرلك

[الجابر]

لاهنت اخوي رسام بنتظار جديدك

[رسام الغروب]

حياك الله الجابر شكرا لمرورك على موضوعي وهذا شرف لي ووسام على صدري

[هلوسه]

نقل مميز ودائقه فاخره
عميق الشكر لذاتك ..

[رسام الغروب]

حياك الله معمعة جنون شاكرلك على المرور مشكووووووره والله يعطيك الف عافيه