[رسام الغروب]

يا قــلب يا قـــلــب الــعنا يـا مــعـــذب = يـــالــي عــلـــيـك الــوقــت يا قلب مالا

يا قلب تشكى من غثي الـقـلب متعب = حالك ودمـعي مـن عــلــى الـــخــد ســـالا

أوجس تقل جمر الغضى فـيـك مـشـتب = يـا المنحـجـــر بين الـــضـلـــوع النحـالا

سهم الدهر مـدمـيك يا قـلـب مـع طـب = وصـــابـــك ســــهــومٍ غــير هــذا تـوالا

يا قلب أشــوفـك تالــي اللــيل تنحـب = نحــيب ولــــف فــــارقــــت للــرحــــــــالا

يا قلب لاجلك تـسـهـر الــعـين ترقــب = نجـــم مـــقابل مـــن شـــــمالٍ تـــــــــــلالا

لاجــلــك اذلـل كـــل صــعــبٍ تـصــعــب = ولاجــــلـــــك تــسير الرجل شرق وشمالا

ولاجلك نظمت الـقاف واحـرص وأجــنـب = مــــا ينـــقـــده يـــا قـــلـــب هــذا محــالا

صــيراف للـمـعـنــى بخــــيصٍ مــجــــرب = اصـــرف كــــما صـــرف الذهب والريالا

حريـص عــــما يردي الـــقاف يـشــــذب = واحــــرص عـــلى صيغ البيوت الــجــزالا

أبــى إلــيا هـــذت قــوافــيــه تـــطــرب = وتــشـــوق ســامـــعها إلـــيا جى مــجـالا

يا قلب كانك من غثى الوقـت تشرب = قــبلـــك قــــلـوبٍ وســطــها الـهم طالا

كم قلب يشكى مــن قـــريـبٍ مـــقـرب = يبـــور لــو فضـلـــه رجــح بالــــــــطوالا

تـلــقاه للـــقاصــــــى فــــزوعٍ يـــــغرب = يزمــــر وكـــأنــه لاكــــثر الطيب نالا

وينسى جمايل واحـــدٍ لاجــــلــه اتـــعب = حـــالــــه وخـــــيره كــــم يــومٍ تتــــالا

ليته عـــلى فــــعـلة بــهرجــــه تـــأدب = عـــلى الـــــردى يبــغـــى يبن الخـــــمالا

قــــال الــمــثـل يا قــلب قــد قيل جرب = ناكــر جـــميل حــــــمار قـــيلت مــــثالا

وكـــــم قلب به نار المــحــبة تـلـــهب = يــشــكـــى فــراق إلــى كــمل بالجـمالا

وكـــــم قــلــب عودٍ تالي الليل يجنب = يجــنب جــنيب الـــذيب فــوق الـجـبالا

كـــبير ســــنٍ مـــن الــــقرايب مـجـنب = وزودٍ عـــلــى ذلــــك عــــقوق الــــعيالا

وكم قلب من جـور اللـــيالـــي تــغــرب= مضيوم وقـــت ولاقــــشر الـــهم شـــالا

وكــم قـــلب مـــحـــزونٍ رجا الله يطلب = يغفر لــمــنـــهو بينـــه الـــــقـبر حــــالا

ويا كـــم قــلب وقــلــب يشكى مصوب = هـــــــاذي هي الدنيــــا جــــوابٍ ســـــؤالا

ويا قــلــب أنـا باخبرك واحذر تقرب = مــــــن رجـــــل بـــــواقٍ وفــــيـه احتيالا

يا قـلب كــم رجـلٍ من الــطيب يهــرب = تلــــقاه يهــــرب للــــعلوم الـــهـــــزالا

وكم رجل في بير الردى وسطها طـب = ودك عـــــلى وجــهـــه تحــــط الــــشيالا

وكم رجل قلبه بالــشحـاحــه تــشـرب = عن الكرم والجود صـــــــابه اجــــــفــالا

وكم رجـــل ما بين القبايل ينــشــب = وده يجــــي بين الــــقــبايــل اقــــتالا

حقه عـــقب مــــوتـــه على اللوح يصلب = ومن قـــــبل مـــوتـــه ينوطى بالنعالا

وكم رجل حورفلـــه ولا فــــاد بــه طب = تبغـــــى ترزه مـــــا تـــرز الحــــــــــبالا

ويا قلب كم رجل على الطيب يجـــذب = قــاع الـــمراجـــل صـــال فيها وجـــــــالا

ويا قلب به رجـــل من النطــق ينحـــب = زانت افـــعـــولــــه بالجــــــمال وكمالا

ويا قــــلب كــم رجـــل صفـــى ما يخيب = لو هو عــليه الحــــول يا قـــــلب حــــــالا

وكم رجــــــلٍ نفسه له ذلولٍ وتشعب = يســوقــــها للــــطــيب ســوق الجــــمالا

ويا قـــلـب كم رجل المثل فيه يضرب = للــطــيب رأســــــــه للــمـعــالـي تـــعالا

هــــــاذي بعـــض اصـنافــهم لا تعجــــب = وينبيك عن حــال الرجــــال الــثقـــالا

يا قـــــــلب خــــلــك للـــيالـــي تحــــسب = الـــعــمــر يمضـــى واللـــيالـــي طـــــوالا

خــلـــك فــطــين ومـــا جــرى لك تجارب = واحـفظ دروس الــتجـــــربـــة لا تـــزالا

يا قــلب عن درب المعــاصـــي تجــــنب = جــنـب حــــرام الـفـعـــل للـــي حــــــــلالا

احـــرص عــــلى اللي تعملــه يرضي الرب = بـاللــــه خـــلـك دوم تمشـــــى عــــدالا

امـســـــك عــرى التقوى وفيها تقضب = واكــــــسب رضـــى ربــك عـزيز الجلالا

لو طــــال عـــمـرك بالمنيــــة تصــــوب = مــصــــيرنا يا قــــلب العـــنى للــــزوالا

الموضوع الأصلي: يا قلب العنا يا معذب | | الكاتب: رسام الغروب | | المصدر: شبكة بني عبس

[سحايب]

صح الســـان شاعرها
ولاهنت دائما الذائقه
المتميزه حليفة انتقائك
يعطيك الف عافيه

[رسام الغروب]

حياك الله دمعه مشكوره على المرور والكلام الجميل مشكووووووره والله يعطيك الف عافيه

[مرآهيش]

مبدع بكل حآلآتك

شكرآ ع النقل

[الجابر]

مشالله عليك مبدع ورائع لاهنت اخوي رسام

[رسام الغروب]

حياكم الله مراهيش والجابر شاكرلكم على المرور

[بندرأبن طريف المظيبري]

بسم الله الرحمن الرحيم
تحية حب ووفاء وتقدير وحتــــــــرام.......
كفووووووووووووو أبداع أبيات جميلة قصيدة أرتجالية تحكي معناها
شكرأ لك أخي رسام الغروب وعطيك ألف عافية عليها وصح السان كاتبها وناظمها
تقبل مروري وتقبلو مروري أخواني لآعظاء الكرأم

الشاعر ..بندر بن طريف الرشيدي هرم من أهرامات بني عبس الشامخة

[رسام الغروب]

حياك الله يا شاعرنا بندر وشاكرلك على مرورك وكلامك الرائع لاهنت