[ابن النخیل]

چنی طول ابطول نتمشه اعلی شطنه الأید بید(چني= کأني)

حلم غبشه وموبعید
--------------------
انت ریحة نخل حینه اللفلفه غبار الزمان

أنتِ حنیّة أهلنا السامحت عثر اللسان

انتِ عین الماتغیّض بیا بس بس الشوگ بان

أنتِ سمرة وکل سمارچ ندري معناه الحنان

أنتِ دله وسیف وعگال وعجید

چنی طول ابطول نتمشه اعلی شطنه الأید بید

حلم غبشه وموبعید
--------------------
انتِ أخت ذاک ایحّسب دوم جاراته الخوات

أنتِ زود البیه وبجاله خواته امأمنات

أنتِ عصابة اعلی شیله وبویمه وهوسة بنات

أنتِ نشمیة التنـّخت هلهلت بالمعضلات

أنتِ دمعة فرح لالت علی خدود المهات

أنتِ شهگة هله اولیدي الاگت الردمن بعید

چنی طول ابطول نتمشه اعلی شطنه الأید بید

حلم غبشه وموبعید
******************************************
أنتِ تذکار منأهلنا وأنتِ گعدات المضیف

أنت ِدمعات الغریب البات لیله اعلی الرصیف

أنتِ نسمات العذیبي الهبّت بمسوم خریف

أنتِ هلهوله بسلفنا الفززت حلمي اللطیف

أنتِ خوة بمالة الله وأنتِ عفة کل عفیف

آنه اشوفچ أنتِ وردة البالحسن نوعچ فرید

چنی طول ابطول نتمشه اعلی شطنه الأید بید

حلم غبشه وموبعید
-----------------------------
أنتِ اُمنیة الجمیلة مدثرة بماضی السنین

أنتِ حسنچ کل جمالچ ینحسب دُر الثمین

أنتِ شَعره من الجدایل ناگعة بعرگ الجبین

أنتِ گلب الأم لبنها الیمطر أشواگ وحنین

أنتِ شَذرة محبس العِز لایگه بچف الیمین

أنتِ والله گلادة حلوة البالمشي تلاعب الجید

چنی طول ابطول نتمشه اعلی شطنه الأید بید

حلم غبشه وموبعید
-----------------------------
أنتِ من دنیا المحاسن حاویةعیون الغزال

أنتِ بعیون الطبیعة انمثلچ نسمة شمال

أنتچف دافي اللمسة وأنتِ لضماي الزلال

أنتِ سچة ودرب صافي شلون اعوفنچ محال

أنتِ موجة شط صفنتي اللاعبت جُرف الخیال

أنتِ عین الدنیا عینچ بیها الگه شما أرید

چنی طول ابطول نتمشه اعلی شطنه الأید بید

حلم غبشه وموبعید
-----------------------------
أنتِ حنطة وملح گاعي وسنبله وگطرات دیم

أنتِ چف فلاح نشمي البیه أثر تعب القدیم

أنتِ فطرة البالنوایة تعشعش بگلب السلیم

أنتِ سالوفة حبایب یاورت شفة ندیم

أنتِ گربچ فرح زفة وبُعدچ نسمیه ظیم

أنتِ یا صفنة الطویلة مطرزة بمطلع قصید

چنی طول ابطول نتمشه اعلی شطنه الأید بید

حلم غبشه وموبعید
-----------------------------
لا تنشدینی اعلی حالي منین أجیت منین أعود

آنه کل ساعة اعلی ساعة هموم دلالي تزود

آنه مامرتني فرحة ولاشفت لحظة سعود

آنه بسمه اعلی الشفایف نِکتت ویاها العهود

وآنه لو مامرني طیفچ عگبه شلـّي بهالوجود

بعد هم اگعد واتاني وجیتچ لعیونيِ عید

چني طول بطول نتمشه اعلی شطنا الأید بید

حلم غبشه ومو بعید
-----------------------------

qalrashidi

الموضوع الأصلي: قصیدة من الأهواز | | الكاتب: ابن النخیل | | المصدر: شبكة بني عبس

[كاتب الرشيدي]

يابن النخيل كلماتك رائعة
يارئيس الله يكرمك هههه بنولها لك بالمصري
بس أضن مكانها ماهو هنا يمكن يصلح لها الأدبي يجي بو معزي ويوديها محلها عند فلسفة ذهن

ابن النخيل نرجع لموضوعنا

حلم غبشه وموبعید
-----------------------------
لا تنشدینی اعلی حالي منین أجیت منین أعود

آنه کل ساعة اعلی ساعة هموم دلالي تزود

آنه مامرتني فرحة ولاشفت لحظة سعود

آنه بسمه اعلی الشفایف نِکتت ویاها العهود

وآنه لو مامرني طیفچ عگبه شلـّي بهالوجود

بعد هم اگعد واتاني وجیتچ لعیونيِ عید

ياسلام عليك

[ابن النخیل]

بسم الله الرحمن الرحیم
اعذرونی یا احبتی قلیل التجربة فی طرح المواضیع علی الموقع او النت
یا ریت عبدالله ینقلها الی مکانها الخاص رحم الله والدیک یا عمی
نقولها بالأهوازی
اخوک ق الرشیدی