[سالم سلمان بن معاود]

أعزائي الكرام زوار وأعضاء وأداريون ومشرفين هذا النتدى
السلام عليكم ورحمة الله وبركاته ,,,
بعد أنقطاعي وأنشغالي بظروف خاصة أحببت أن أهديكم قصيدتي ومشاركتي في
حفل زواج الشاعر/ منيف بن منقرة البلوي وعسى أن تنال أعجابكم وأستحسانك ودمتم بخير.

سلام مدام المشاعر حية=تسليم شاعر مطلق الحرية
شاعر يعبر عن طناخة رأسة= فالحفله اللي ماهي بعادية
ولابرجال قصور لكن دايم=أطرب لصب الشعر والقافية
ومنيف داعيني ولالي صدة= بيني وبينه صحبة خصوصية
يشهدعليها الله وخلقه تشهد= وضح النقاء طبعه وطبعاً لية
صاحب عزيز ولادعاني جيته= ولاجيته الا بدعوة رسمية
جاني أتصالة قلت سم وحاضر=وكتبت فيه أسمى الشكر فورية
ويأبن مناحي بيض الله وجهك=أقولها مردودة ً مثنية
والله يبارك لك بكل أفعالك= وبالمال والاعمال والذرية
وأنا رشيدي لاحفظت الخوة = أبصم عليها في كفوف أيدية
وصاحبك تدري وش مكانك عندة=أنك مكان أخوة وأبناخية
لازمتني بالطيب مثل ظلالي= وطيبك جبرني أني أجيك هنية
ودعواك بالتلفاز بث مباشر= في شاشة الساحه مهي مخفية
عممت بالدعوى وكلً جالك=لانك زعيم وتمتلك شعبية
ومن حبه الله أحببوة العالم=ومحبتك بصدورنا مبنية
شاعر وجمهورك حفظ تاريخك=وغير !! الشعر فيك الرجولة حية
وبعض العرب شاعر ولو هو شاعر= مايملك الا ميزةً شعرية
لامنومسً ربعه ولامجملها=ولالة قبول مع العرب مولية
ولا أنت مقدم قوم من يجهل بك= لاخير في خالة ولاافابية
أسمك يعبر عنك لانك شامخ=بالفعل والبطاقه الشخصية
وبأقول لك بيتً وأنا كد قلته= لمعزبي أب سعود راع الهئية
أهديت لك شعري ورميت عقالي= وبانت بوجهي للفرح مارية
وللبس عقالي!!! لينك تصفقلي = ولا أرمي ألغترة مع الطاقية
وأستاذنك يأتأج راسي أبخاطب=الحاضرين بروحن رياضية
ومن لايعرفون الصقر يشوونة=وعندي عبارة ولاهي أنانية
وعيبً على الرجال يمدح نفسة=ولاهو غرور الاثقة شعرية
أسمي وأسم ربعي ووش عنواني=هنا التعامل واللغه علمية
سالم أبن سلمان أمثل ربعي= بني رشيد وعزوتي عبسية
وكل القبايل والنعم مألحقها= الا بخير وفي صلاح النية
وأبناء رشيد محملتني رسالــة=لنا عرب والدولة سعودية
أطيب سلام وبارك الله ألكم =وبأأقه تهاني ومفخرة وحمية
وبـــلي أصدقانا وأنتفاخر فيها= ومن بيننا حبال الوفاء مثنية
وجمهور شاعركم يشارك حفلة=وأمجادكم بصدورنا محمية
والله يبارك للعريس وربعه = بالمال والاعمال والذرية

الموضوع الأصلي: رسالــة من قبيلة بني رشيد للشاعر/منيف بن منقرة البلوي؟؟ | | الكاتب: سالم سلمان بن معاود | | المصدر: شبكة بني عبس

[عبدالله العايد]

والله ونعم
صح لسانك

[نوماس5]

مليوون نعم
صح لسآآآآآآآآآآآآآآآآآآآآآنكــ

[سالم الرشيدي]

الف مبروك زواج الشآعر منيف منقره
و
صح الســآنك واعتــلا شآآآنك
جزله ووافيه وبيض الله وجهك
ولاهنتـ

[مرزوق العجوني]

صح لساااانك ونعم مليووون يابو سلمان ويستاااهل منيف المدح وتقبل مروري

[عبد العزيز]

صح لسانك وبيض الله وجهك

[وليد البراك]

صح لساااانك ونعم مليووون يابو سلمان ويستاااهل منيف المدح وتقبل مروري

[بحار عبس]

بيض الله وجهك وصح لسانك