[نوماس5]

،؛،.. الــبـارحـــة ..،؛،

البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت

الموضوع الأصلي: ،؛،.. الــبـارحـــة ..،؛، ابن افطيس | | الكاتب: نوماس5 | | المصدر: شبكة بني عبس

[مذكر الرشيدي]

مشكور على الذوق الرفيع والرائع ولا هنت على النقل

وصح لسان الشاعر ابن فطيس

[مرزوق العجوني]

صح لسااانك شاعرها ولا هنت على النقل

[المداوي]

صح لسان شاعرها

وشكرآ على النقل

[نوماس5]

اقتباس من مشاركة مذكر العايضي مشكور على الذوق الرفيع والرائع ولا هنت على النقل وصح لسان الشاعر ابن فطيس

العفوو الذووق منبعكــ
ولــه انت
منوور

[نوماس5]

اقتباس من مشاركة مرزوق العجوني صح لسااانك شاعرها ولا هنت على النقل

صح بدنكــ
وله انتــ
منوور

[نوماس5]

اقتباس من مشاركة المداوي صح لسان شاعرها وشكرآ على النقل

صح بدنكــ
العفوو
منوور