[قسورة الغاب]

السلام عليكم ورحمة الله وبركاته

مساكم // صبحكم

الله بالخير جميعا

اليكم بعض المسجالات التي جرت في هذا الصرح الشامخ

ارجووو ان تحووز علي رضاء ذائقتكم الكريمه

اقتباس من مشاركة قسورة الغاب يالامير الي تسما وين رايح بالاماره = الاماره بالفعايل ماهي بكثر الاسامي كل يوومن لك صديق وكل يوووم تشن غاره = تمدح الي يمدحك لو هوو من عيال النعامي وتكره الي ماينافق معك وتحارب قراره = ولو يسلم وانت تسمع ماترد اله السلامي والنتيجه مأستفدنا منك يامال الخساره = ناصبينك للاماره وانت رجالن حرامي وانت تدري لابغينا ننتزع منك الاماره = قادرين وطقنا مايوقع الا بالعظامي اعتدل والا اعتزل والحر تكفيه الاشاره = قبل يلحقنا ملام وقبل ياطاك الملامي

اقتباس من مشاركة ناصر خنيفر الاماره ساسنا يوم انت في وسط المغاره= وسط غابه تندعس فيها ليا دك الظلامي والنفاق احيا واموت ولاتصدرنا شعاره = مار عين خير لاتحمل من جداد الاثامي فايدتنا حطو اسمك بالجوايز بالصداره=وحترمنا الاسم لكن مانت كفو الاحترامي ههههههه وانت وش علمك تنقز كل يوم بوسط حاره = مرتن ترخ الحزام ونوب تكرب بالحزامي ماعتزل لو قلبك المغلول مات من الحراره = ابك انا شاعر وربعي عبس بالماقف حزامي وانتبه والنار نوب يسببه قدحة شراره = خاف تقدح ثم يصبح راسك لحزبي طعامي

اقتباس من مشاركة قسورة الغاب والله انك ماتومر غير في ددسن غماره = بعد ماجووك الرجال الي يقودون الجهامي لا تبرا من النفاق وتاخذه فن وشطاره = وانت قبّار الحقايق وانت بياع الكلامي وسمي الي من ورا خشم العدو فاز بجداره = يوومك تحارب ورا الجدران ماتقدر تحامي واحد مثلك مايشبه غير لطفال الحجاره = كل ماشفناك قلنا ياحلال وياحرامي وشاعريتك مالها ايت هويه واستماره = فالحن ماغير تمدح نفسك وحالك عدامي مير راسك لا يصير بقاع ظلع طويق شاره = كل من مره يطشه من مقام اليا مقامي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ

اقتباس من مشاركة قسورة الغاب يالمهم انته تشوف الحق في عين القطامي=ماتعداك الحقوق اعجاف وسيوفك رهيفه شاعرن صم الصخر مازال حرفك فيه دامي = كل ماتنقش علي صم الصفا سالت حتيفه عذبها الصافي مناهيل وفرات وبحر طامي = مايغوض ومفردات الحرف تشرب من نزيفه كم سقا غصن الوقار وكم سقا غصن الغرامي = وارتوا من حرفك النضاخ بستان الطريفه كلمتك يرحج بها ميزان محموود المرامي = ما ردع سابق فزووعك لا جماح ولا عسيفه لاعتزا فيك الصديق وجيته اتشد الحزامي = اسرع امن اخيال نووض المدلهمات الرفيفه وحزبنا ثلاثي الابعاد يقريك السلامي = قبل سيف الحق لايفرق وليفن من وليفه واعرف انا ياطويل العمر وختام الكلامي = مانبيع احقوونا بثلث والا بالنصيفه وانت رجالن تشووف الحق بعيوون القطامي = ماتعداك الحقووق ابميل وسيوووفك رهيفه

اقتباس من مشاركة المهم 1 مرحبا بالشاعر اللي عاشقن راس السنامي= كل ماغنا بيوت الشعر تمشيله بكيفه لابسن ثوب المعزه مالبس ثوب الملامي= شاع ذكره بالكويت وشاع ذكره بالحليفه خصني بين الرجال وطار من عيني منامي= ولتفت وقمت له مقام هارون الخليفه ودي اعطيه الصحيح اللي يوقع بالعضامي=واكحل العين البصيره وترك العين الكفيفه ادري انه ماشكى قلة شراب ولاطعامي= شايفن ماشفت قبل اويق في راس المنيفه لكن اسمع ياطويل العمرمن قبل الختامي= احتزم ياصاحبي باشداد موميت السفيفه واخبر الحزب الثلاثي واخبر اكبار الاسامي= من يريد الحرب بعد اليوم يقبسها بليفه وعتبرني معك لاحنت على العد الضوامي= بعد هذي لو تكبدني مخاسيرن كليفه والسموحه منك ون قمنى على الدنيا السلامي= المهم مجهزن شلفاه والدنيا مخيفه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ

اقتباس من مشاركة قسورة الغاب الضيق يالسبع ماله بيننا داعي = وابليس من يعرفه ماياخذ برايه انت وانا كلنا فالديره اسباعي = ماني بغادي ولا انته يالسبع ذايه هههه اتعدي الرجم واتباوع علي الراعي = ياما سبعت الضعن والطارفه غايه والقسوره تعرفه يالسبع قطاعي = اما فرس فيل والا بعير روّايه واليا طمعت ابك وانته صرت طماعي = من نقطة الحرف لاتسوي لنا حكايه هههه

اقتباس من مشاركة السبع الضاري لاصرت داري وفاهم كل الاوضاعي=ماضر عيني كلام الناقص التايه يالقسوره خابرك بالمجتمع واعي=تقلط مع الشيخ وانت اتمازح البايه لكن لاشفتني متعرف الاسناعي= ترفع شعار الخطر وتنكس الرايه هههههه اقول انا بالجبل..وتقول بالقاعي=تجحد وانا لو نزلت اصير بالطايه انشد خويك سقيم الحال عن باعي=وألا انشد العمده اللي ماختلف رايه اما انت حلمي معك يالقسوره ضاعي=كني عمى وانت كنك للعمى امرايه ههههههه

اقتباس من مشاركة قسورة الغاب انا لا شفتك اقعدت اطق باصباعي = وانته تباوع بمجلاسي ومركايه ماني بمتهوول ولاني بمرتاعي = واقوول يالليل ياعيني ياعلايه ههههه امازحك لا لقيتك مرتن ساعي = لو انت تكره علي الخريمه القايه ولا ني ورا خطوت المقفين تباعي = ان كان مالله هدا ماعندي هدايه هذا كيالي مع العرف وصواعي = ماوخر الحسنه ولا قدم السايه افرق حقووق العرب ماني بخداعي = واثبّت العلم بالبرهان والآيه عرفي مع اهل العقووول النيّره شاعي = ماني بمن يشوي الوكري بشوايه لكن وش يزعلك ياذرب الاطباعي = لا قلت هات الكتاب وهات محايه هذا القلم والقلم يالسبع مطواعي = العلم ياسبع قالوووا نوور وقرايه لكن لاشفتني طيقت بأصباعي = تعال يابا الخلا في جنب مركايه

الموضوع الأصلي: القسوره يستدرج كبار شعراء الشبكه ^_^ | | الكاتب: قسورة الغاب | | المصدر: شبكة بني عبس

[البعيد الهادي]

صحت السنتكم جميع
واستدراج حكيم من مستدرج داهيه
ولاهنت يااشاااعرنا قسورة الغاب
على هذا الاستدراج
ودمت بحفظ الله

[محمد الراشد]

القسوره استدرجهم الي حتفهم
هههههه
صح لسانكم جميعا

[كاتب الرشيدي]

لي عودة

وصح اللسانك مقدماً

[قسورة الغاب]

اقتباس من مشاركة البعيد الهادي صحت السنتكم جميع واستدراج حكيم من مستدرج داهيه ولاهنت يااشاااعرنا قسورة الغاب على هذا الاستدراج ودمت بحفظ الله

البعيد الهادي

صح ابدانك واعتلا شانك ^_^

اسعدني مرووورك الرائع بيض الله وجهك ولاهنت

[كاتب الرشيدي]

عذبها الصافي مناهيل وفرات وبحر طامـي

مايغوض ومفردات الحرف تشرب من نزيفه

كم سقا غصن الوقار وكم سقا غصن الغرامي

وارتوا من حرفك النضاخ بستـان الطريفـه

اقتباس من مشاركة المهم 1

مرحبا بالشاعر اللي عاشقن راس السنامـي

كل ماغنا بيـوت الشعـر تمشيلـه بكيفـه

هههههههههههههههههه اما ذايه

انـت وانـا كلنـا فالديـره اسبـاعـي

ماني بغادي ولا انته يالسبع ذايه هههـه

اقتباس من مشاركة ناصر خنيفر

الاماره ساسنا يـوم انـت فـي وسـط المغـاره

وسط غابـه تندعـس فيهـا ليـا دك الظلامـي

والنفـاق احيـا وامـوت ولاتصدرنـا شعـاره

مار عين خيـر لاتحمـل مـن جـداد الاثامـي

أنت شاعر جزل ومبدع

صح اللسانك

وصحت ألسنت الشعراء المشاركين معك بالمساجلة

[(ابوعواض)]

صح لسسانكم جميع


مسساجلات رائعه امتعتنا بها

[زهو الايام]

صح السانكم جميعاً..
ولاحرمنا الله ابياتكم الجزله..وروووحكم النقيه
رااائع ياملكــــ