[المحترف العبسي]

السلام عليكم ورحمة الله وبركاته
اليوم حبيت انقل لكم طاروق من الطواريق الرائعه لشاعرنا المبدع زايد ابن عدله مع الشاعر الكبير مشخص الفهري القحطاني
واعذروني عن تأخر تنزيلها لكم لاني لم احصل عليهاا من قبل
المحاوره
زايد ابن عدله
الليله الملعبه فيها الجنون أربعين00أما استوت كلها وألا انعمت كلها
يامشخص الارض كوره والبنادم فطين00لكن ليلى حضيضه في ذرى خلها
مشخص الفهري
كان الرشيدي تجاهل سنّة المسلمين00يبعد عن الشجره اللي عاش في ظلها
الارض دارت بأهلها شك وألا يقين00يمديك تقرب من الحاجه وتاصلها
زايد ابن عدله
ماهو جهل مير دايم بالبلد حاضرين000واللي تصلي ورايه دايم أذن لها
الارض طبعاً تدور خلاف جرد السنين000لكن شلّ الحمول الكايده شلّها
مشخص الفهري
يازايد الله يزيدك خير دنيا ودين00وش يمنع تقول كلمة خير في حلها
والكلمه اللي توسع خطر الشامتين00أشوم عنها أقول لصاحبي خلها
زايد ابن عدله
الله يزيدك كمانا وانت جنبك متين000لكن خل الاوادم مانت رب لها
لو طلقت الساكتون تعادل المارتين000تلقى عصي العرب تشره على بلّها
مشخص الفهري
العام هلت مدامعكم على الرافدين00متى على الله دموع الفرحه اتهلها
نصيبك اللي كتب لك في علو الجبين00ماباقي الا الصلاه النافله صلها
زايد ابن عدله
ان هل دمع الفرح وان هل دمعٍ دفين000والا انت تركض لاهل صنعاء وترسلها
الذيب ماهو عبث لن جر صوته حزين000يونس بجوفه عروقً مابرد غلّها
مشخص الفهري
لي غايةً ماتخاطفها اقصار اليدين00وصلتها بين ضايعها ومندلها
النار تاكل حطبها مره ومرتين00 واللي يبى جنة الفردوس يعملها
زايد ابن عدله
ماكل حاجه تبيها يالبنادم تزين000بعض الدير لو تجيها مانت محتلها
الناس صلّت شمال بيوم غزوة حنين000قل للعرب ياقحطاني بالخبر قلّها
مشخص الفهري
المشكله كان جف العد ابو منهلين00يبست حلوق النشاما ماحدن بلها
000000000000000000000000000000000
وشكرا لكم

الموضوع الأصلي: طاروق للشاعر المبدع زايد ابن عدله مع الشاعر مشخص الفهري القحطاني | | الكاتب: المحترف العبسي | | المصدر: شبكة بني عبس

[ناصر الخياري]

طاروق ومعنى رائع ..
صح لسان الشعرااء ..
لاهنت النقل ..

[المحترف العبسي]

مشرفنا الغالي ناصر الخياري
اشكرك على المرور
والمحاوره لولا تميزها لم انقلها لكن شاعرنا زايد يستاهل ولايهون القحطاني

[نواف المثني]

صح الساااااااااااااااانتهم
ومشكور علـــــــــــــــــــــــــــــــى الـــــــــــــــنقل يالغالي

[المحترف العبسي]

نواف المثني شكرا على المرور

[ابو بيان]

صح اللسان الشعراء ونتمنى التوفيق للشاعر زايد عاتي والشاعر القحطاني وتقبل مرورري اخوك ابو بيان وفق الله الجميع لما يحبه ويرضاه

[بدر حيي]

صح الساااااااااااااااانتهم
ومشكور علـــــــــــــــــــــــــــــــى الـــــــــــــــنقل يالغالي

[ماهر]

محاوره بالفعل تستحق النقل
زايد عاتي شاعر مميز اتمنا له كل التوفيق