[بدر حيي]

مـسائكم // صباحكم

عسل

أقدم لكم
جديد
الشــاعر / أحمد سليمان الرشيدي

لبى هذيك أم العيون النواعيس

الأوله بالزين ماهي الأخيره
في غربتي جتني تبث الأحاسيس
من حسنها شكيت بإنها آميره ؟؟
تلبس ملابسها وتشري ولا تقيس
وفي عينها الأنسان حاجه صغيره
( في حبها طاوعني الشر وأبليس
يالله عليك المغفره والستيره )
غنيتها بالشعر ( ياحادي العيس )
لين إنها قالت ( قصيده مثيره )!!
يعزف لها قلبي وصدري مراويس
ومن شوفها دقات قلبي خطيره
ياهيه يابنت الرجال السناعيس
ياخصر هيفا !! وإندراجت سميره
ياعمري اللي قد قضيته كوابيس
مابين تلعات الضياع العسيره
ياحلقه آولى من ( ليالي فوانيس )
يارحلتي من دون ( حلقه آخيره )
عليك تصعب حيل يد المفاليس
وعليك حد السيف يفتل جفيره
يشهد علي الله ياليل باريس
في غربتي أشوفها لي ديره
كلي صداع .. وسوء فهم .. وهواجيس
راحت من يديني وأنا أقول خيره
وأن قلت يالبى العيون النواعيس
لبى الهنوف اللي تسمت منيره

وسلامتكم ..

الموضوع الأصلي: لبى الهنوف اللي تسمت منيره الشاعر احمد سليمان الرشيدي | | الكاتب: بدر حيي | | المصدر: شبكة بني عبس

[راعي ريمه]

صح السان الشاعر /احمد سليمان الرشيدي ...
قصيدة وافية وجزلة والجزالة ماهي غريبة على اهلها
وتسلم يمينك على النقل الرائع
تحياتييييييييييييييييييييييييييييييييييييييييي.