[محمد الراشد]

كان الملك فيصل في جوله ورحله على طريق سفر
قال الملك لخوياه خلاص هنا وقفو وقال لسواقه رح لراعيه الغنم ذيك
ويوم جاها قعد يصارخ فيها وهي ماتقول الا الكلام الزين
تعجب منها الملك وقال من انتم يابنت قالت لك حنا ياوجه الفلاح الي
جويرنا مايملنا
والنظره ماتزلنا
ودخيلنا مايخاف
وبيتنا مايحاف
وفعايلنا ماتنسى
وكلمتنا ماتقسي
ودينا مايلين
ومدتنا سمين

حس بقلبه الفطين انها عرفته
قال انتي عرفتيني
قالت لا
قال بنتشري من غنكم ذبايح قالت اخذو ذبيحتكم
قال انا قلت ذبايح يعني فرقة غنم قالت مايخالف
رجع بالسيارة وقال لاخوياه ارسلو ونيت ياخذ من راعيه
الغنم عشاكم جو اخوياه وحملو من غنم البنت وعطوها الفلوس
قيمة الغنم وعيت
وعلموا الملك انها عيت تاخذ قيمة الغنم
قال الملك لهم والله انها عارفتني قالو مستحيل ياطويل العمر
قام وارسل واحد من عياله مدري من اخوانه وعطاه عقاله قال البسه ورح لها وعطها حقها
وجاها وقال يابنت اخذي قيمة غنمك تراني انا الملك وماحد يعصى الملك
قالت واللته وهو الحالف مانت بالملك
ضحك قال لاتحسبين السواق الملك يوم شفتيه محتزم بالفرد
قالت الملك الي قبل شوي جاني
قال انتي بدويه ماتعرفين العلم خذي فلوسك وحط الفلوس على الارض وراحت تمشي وتركت الفلوس وهو يقول ارجعي ارجعي وهي راحت وتنش غنمها
وهو راح وتركها وعلم الملك فيصل بالعلم وانها تركت الفلوس تحت الحجر وراحت استغرب الملك كيف عرفته
وهو متطلم بشماغه وماعليه عقاله وقال اكيد هالعنيدة مااخذت الفلوس بروح لها بنفسي {شوفو اهتمام الملك انها تاخذ حقها }
ماقال تعبان وبرتاح ولا ارسل احد راح بنفسه مره ثانيه
يوم جاء الا البنت ترعى غنمها وفيه ورقه حمراء ناشبه في مكان بين على شجره وباقي الفلوس ماهي فيه وعليهم هواء خفيف
قال يابنت تعالي جته قال كيف عرفتي اني الملك قالت قلبي علمني
قال عندكم رادي قالت لا
قال الملك سبحان الله العظيم
قال الملك يابنت خذي قيمة غنمك قالت اعتبر قيمتها ضيفتكم
حلف الملك لتاخذها واخذتها
قال الملك ترى فيه ميه شوفها ناشبه ماطارت من خوياتها
خذيها قالت ابشر ياطويل العمر
وراحت تاخذها قال السواق ياطويل العمر شف البدويه الخبلة
خلت الفلوس تطير مع الهواء ومابقي منها الا الميه الناشبه
قال الملك انت والله الخبل الفلوس كلها معها وهذي حطتها هي
في الشوك حتى نقول انها تركتها تطير استغرب خوية
قال الملك يابنت ماتخافين الله تخلين الفلوس تطير ابها الهبوب
وهو يضحك
قالت ياطويل العمر والله انك خابر انها ماطارت ههههههههههه
ورجع الملك لخوياه وهو مبسوط من ذكاء الرشيدية

وتحياتي لكم

الموضوع الأصلي: الملك فيصل وراعيه الغنم الرشيدية | | الكاتب: محمد الراشد | | المصدر: شبكة بني عبس

[سهم عبس]

مشكور اخوي محمد على النقل الجميل
ولاهنت

[الهدوء طبعي]

تسلم أخوووووووووووي محمد الراشد على النقل الرائع
وكفوووووووووووو بنت عبس
تقبل مروري أخوي الكريم
الهدوووووووووء طبعي

[الـرونـق]

تسلم أخوي محمد على القصه الرائعه

والله يعطيك العافيه

[المشتاق1]

مشكور اخوي محمد على النقل الرائع وتقبل مروري

[ابوفادي]

تسلم أخوي محمد على القصه الرائعه

والله يعطيك العافيه

[ابوفادي]

مشكوووووور والله يعطيك الف عافيه

[سعد محمد]

مشكور أخي محمدالراشد على هذا القصه...

ودمت بحفض الرحمن.

تحياتي لك ,,,