[الغريق]

اقدم لكم هذه القصيده
للشاعر القدير مشاري بن كريم رثاء في عمه الشيخ /عبدالرحمن بن بعيجان بن عجوين
شيخ شمل العجاونه من قبيلة بني رشيد
تغمده الله بواسع رحمته...

قالوا توفى الشيـخ عمـك بليهـان=قلـت انـنـا لله وآنــا دخيـلـه
واتفجرت عبـره وفاضـن الااعيـان=ودمعي غدا سيـلٍ وجفنـي مسيلـه
ترجل الفارس عقـب وقفـة ازمـان=الله يعوضـه ويـعـوض القبيـلـه
والله يثبتـه ابسؤالـه ليـا حــان=والله يوسـع مدخلـه ويعفـي لـه
ياعمّ مرحومٍ عـدد وبـل الاامـزان=وجعل القبر ياعـمّ روضـة خميلـه
مرحـوم يامـن للمشاكيـل عنـوان=مرحـوم يامـن مامشـى بالرذيلـه
مرحـوم يامـن بالمهيبـات مـالان=مرحـوم ياطـب النفـوس العليلـه
مرحوم يامن كل ربعـه لـه اخـوان=مرحـوم يامقـدام شيخـان جيـلـه
الصايـم القايـم وصــداح الااذان=قـاري كتـاب الله وشرعـه دليلـه
تبكيه شيخـان وعـوارف وعربـان=وتبكي على موتـه رجـال القبيلـه
فقده خساره لو تعـوض بالااثمـان=انعوضهـا ميـر البـلا مستحيـلـه
ابو مساعد شيـخ ذربيـن الايمـان=شيخٍ علـى العجويـن راع الجميلـه
رمز المراجل والجمايـل والااحسـان=امشيد الصـرح الـذي ننتمـي لـه
شيد مع ارجاله بدايـع لهـا شـان=من هو من الشيخان حصل حصيلـه
ولاهان غيره مـن شيـوخٍ ولاهـان=لكـن ابـو مساعـد فعولـه جليلـه
كم اشبع الجايع وكم اروى ضميـان=وكم قال انا والغير ينفـض شليلـه
ويامـا تزهـل واحتماهـا كحيـلان=وياما تفضـل واتصـف بالفضيلـه
وياما يمينه فرّجـت كربـة انسـان=ويامـا تكـرم والليـالـي بخيـلـه
وياما عدل بالصح منهـاج غلطـان=ويامـا تركـى للحمـول الثقيـلـه
والمـوت هـدّام الملـذات يـافـلان=واقدامنـا يابـو طـلال اتعـدي لـه
الموت رحـالٍ وحنـا لـه اوطـان=ولاطبنـا نرحـل بغيهـاب ليـلـه
سطوته اشد من سطوة السيف شامان=وكل الرقاب اليا سطـى تنثنـي لـه
وموتـه فجيعـه ورّدتنـا للااحـزان=هـمٍ يلازمـنـا ليـالـي طويـلـه
جيت اقبره وآنا من الحـزن رويـان=ايـه اقبره...ماعـاد باليـد حيـلـه
وشلته على كتفي وانا وجهي اللوان=من الحزن لأني على القبـر اشيلـه
وساعة دفنته واصبح الحزن مدفـان=وائيست عينـي مـن انْهـا تخيلـه
رفعت ايدي وهلـت ادمـوع ندمـان=وابتلت ايـدي مـن دمـوعٍ هميلـه
يالله يالله ياعلـيـمٍ بـمـا كــان=علت صفاتك ولْك الااسماء الجليلـه
تغفر لعمـي يـوم لفتـه الااكفـان=وتكرمه منـك الكـرم نرتجـي لـه
وَتَلهـم العجويـن صبـراً وسلـوان=الفاجعـه ماهـي عليـهـم قليـلـه
واتعوضهم في شيخهم ابـن بعيجـان=اللي خذاه المـوت واعلـن رحيلـه

وسلا متكم

الموضوع الأصلي: مشاري بن كريم...في رثاء الشيخ / عبد الرحمن بن بعيجان بن عجوين | | الكاتب: الغريق | | المصدر: شبكة بني عبس

[(ابوعواض)]

اسئل الله يتغمد روحه الجنه


وصح لسان شاعرها ولاهنت ياناقلها

[برق الوسم]

الله يرحم الفقيد ويسكنه جناته..
صح لسان شاعرها ولاهنت ياناقلها
واسمح لي بنقلها بالمكان المناسب
تقبل مروري وتقديري

[النمر1012]

الله يرحمه ويسكنه الجنه وصح اللسان شاعر وتسلم يد الناقل

[الغريق]

لالالالالاهنت يابو عواض على المرووور وبيض الله وجهك



لك تحياتي وتقديري

[الغريق]

برق الوسم


اشكرك على مرورك المشرف


تحياتي لك

[~:(دلال):~]

...صح لسآنك وسلمت يداك عالنقل ..
تقبل مروري ....