[رنــــا]

مساء\ صباح الخير
من باب التشجيع لشعراء منتدانا
نسقت لكم هذه المحاوره اللي كانت بين العميل السري و خاتم سليمان 00000

العميل السري

سلام من هاجس الشاعر عزيز الجناب =على بني عبس حاضرها وغيابها
من قالوا ان الحضور يسد دون الغياب = وين انت ياللي لاشف القوم ماهابها

خاتم سليمان

يامرحبا ردة ٍ تفتح بكـم كـل بـاب=وإن حضر خاتم دخل واحد من أبوابها
بالبلّ ميّه وخمسـه يغلقـنّ النصـاب =حتى لو إن الجمال امعوّجـه ارقابهـا

العميل السري

دام اللبقا بك وانا ماجيت ادور حساب = يقلعك من جاجتن مبلشك طلابها
ياحاتم الارض شربت سيل وبل السحاب=وقضيتك مبهمه ماشرحت اسبابها

خاتم سليمان

أنا أعيد السوال أبغى تجيب الجواب=ماني متطرّق لقوم ٍ حالق أشنابهـا
بالبلّ ميّه من يزكّي بعوج الرقـاب=ياللي تعرف الجمال وتعرف إنصابها

العميل السري

ان كان وضعك يجيب الشك والارتياب= يامدربي الناس لك حفره تدربابها
وش فيك ماباقي الا تطير يابو الشباب=اركد وانا احضر القصه ونبدابها

خاتم سليمان

ماتحصّل الحبر الأسود في بياض الثياب=والله يستـر علـى الأجـواد بثيابهـا
ياللي قريت الكتابه في غلاف الكتـاب=إقراء الكتابه حسـب ماكتـب بكتابهـا

العميل السري

ياللي رميت الهدف ماصار رميك صواب=بندقك ثارت ولاحدن شاف مضرابها
شيئ ن يثور عليك الضغط والاكتئاب=تجنبه قبل مايسمك مشهابها

خاتم سليمان

انته ماحطيّت شاره بين روس الهضاب=قلبتهـا يالعميـل وجــاك قلاّبـهـا
أبسألك كـم بقـي وتقفـل الأكتتـاب=راعين الأسهم دراهمها مـن حسابهـا

العميل السري

به شيئ ن اسمه مذيب وفيه غيره مذاب= شف وين موقعك بالجمله من اعرابها
فصل من الاقمشه على مقاسك ثياب= وماش اكبر القوم ودخل تحت جلبابها

خاتم سليمان

حنا خلصنا منك وانته خذيت الحساب=وهلحين مانطمع امع مذيب ومذابهـا
الذيب ماتنمحي جرّته بيـن الكـلاب=ليا عوى بالكـلاب تهـزز أذنابهـا

العميل السري

لو اقفل الباب في وجهك ماحصلت باب= روح والاشناب لا تخوفك بشنابها
انا اترفع عن الفاظك يامال الذهاب=واحشم عيون النشاما اللي تقدابها

و صح لسان شعراءنا 00000

الموضوع الأصلي: العميل السري& خاتم سليمان | | الكاتب: رنــــا | | المصدر: شبكة بني عبس

[كاتب الرشيدي]

بارك الله فيك يارنا


على تنسيق هذه المحاورة

وصحة ألسنتهم

شارعرين من شعارنا المميزين



والسلام

[حنان الرشيدي]

والله يا رنوو دامك نسقتي المحاوره معناه إنك قبلتي الإنضمام لـ الرابطه ههههههههههه
بس بجد تسلم يدينك و صحت ألسنة شعراءنا .

[خاتم سليمان]

اختي / رنا ,,,,


يعطيك الف عافيه على التنسيق وتسلم إيديك على المجهود الذين مثل ماقلتِ يشجّع الشعراء لزيادة الانتاج الشعري ...


لاهنتِ وتسلمين ..... خاتم سليمان

[شداد المظيبري]

صح لسان الشعار
محاوره رااائعه
يعطيك العافية رنا ع التنسيق الرااائع
مجهود تشكرين عليــه

[العميل السري]

Size="5"]

شكر من الاعماق لك اختي رنا على التنسيق
بس مثل ماقالت قائدة رابطة العميل الاخت حنان
انتي من اليوم عضو ضمن اعضاء رابطة العميل
لك تحياتي[/size]

[رنــــا]

مشكووووووووورين جميعاً على مرووووووركم

و إن شاء الله متى ماكنت فاضيه أساعد بالتنسيق .

[تراتيل حرف]

شكرا للشعاااااااااااااااااااااار

امتعونا يعطيهم الف عااااااااااافيه
ومشكوووووره رنووووووووو

على التنسيق