[(الفارس)]

ليه المسا عوق الشقاوي وطبّه=وليه الهبـوب تصحي القلب لا بات
وليه القمر يدعي جريح المحبّه=ويقول له يا هيه .. ما فات .. ما مات
جرحك ظهر لو قلت للوجه خبّه=وللحزن في ضحكـك رسوم وعلامات
وليه المطر بالذات ريحه وصبّه=كنّــه رسول بين الاحباب بالذات
اشتاق فيه لشوفتك واتنبّـه=للي نسيتــه من مواقف ونظرات
لا استانس الخافق ذكر من يحبّـه=ورجع يراجع فالوناسات ما فات
يا مرتع القلب الحزين ومربّــه=يزيين بــك مثل الذهب صدر الابيات
هيهات ينسى القلب شخص ٍ لعبّه=وهيات يدلهـ خاطري منك هيهااااات
سبك مديح ومدح غيرك مسبّه=تقول واذني صوتها تقول لك هات
ونبع الغلا عندك وعندي مصبّه=ومن الولا .. في خافقي لك .. ولاياات
وطيفك حطب عيني .. وعيني مشبّه=والشوق برد ٍ ما انقطع لو للحظات
ومكانك الصدر ولك القلب شبّه=بين الظلوع اللي فردها التنهات
ولك بيرق ٍ فالقلب حبك يهبّه=شامخ ولا هزه من العذل غارات
محبتك فالوقت ذا ما تشبّه=الا بخيمة بدو بين العمارات
ان شفتني ضايق واهوجس واسبّه=اخاف غدر الوقت .. والوقت دورات
لا تحسب ان دمعي نزل دون سبّه=ابكي من الفرقا وهي مابعد جات
اليوم كل امورنا .. مستتبّه=وبكره ماندري وش معه من مسرّات
اربّ قلبك مثل قلبي اربّه=ما يخلفه شور العرب والمسافات

اتنمى ان تنال اعجابكم

الموضوع الأصلي: ليه المساء عوق الشقاوي وطبه | | الكاتب: (الفارس) | | المصدر: شبكة بني عبس

[(ابوعواض)]

الله عليك يابن فطيس

من اروع شعار هذا الجيل بشهادة لمنصفين


لك الشكر اخي الغالي

[(الفارس)]

يشرفني مرورك يابو عواض

[نوماس5]

يسلمووو علي النقل الرائع

[ابومشاري]

قصيدة رووووعة

صح لساااان شاعرها

وسلمت اخوي الفارس على الاخيار المميز