[الوآآفي]

‏​

عبرتي كنيتها والبال ضايق
وضاق فيني الكون وفجوجهـ وسيعهـ

غاب فكري والعقل ماهو بفايق
ياعيال مضيم ياكبر الفجيعهـ

من سبايب عبرتي صدري تضايق
الخبر موثوق والصورهـ شنيعهـ

والقدر سبق الثواني والدقايق
وصورة الاحداث نقلتها سريعهـ

ودندن الهاجوس لو ماني برايق
وهيض الهاجوس قيضهـ ياربيعهـ

والشعر كنهـ يقول الا ابن شايق
الرثا في سيدي كيف استطيعهـ

كنهـ يقول الرثا ماهو بلايق
وانا في عنقي لسيف الشعر بيعهـ

قلت ياشعر النبط هذي حقايق
لكن الفرقا على مثلي فضيعهـ

والرجاء رحمتـكـ يارب الخلايق
وجعل خير الخلق للجنهـ شفيعهـ

وجعلها لهـ يسر ما فيها عوايق
وجعل منزلتهـ بجناتكـ رفيعهـ

ومن يلوم الشعر لن ماهو بطايق
للفراق اللي يشابهـ للقطيعهـ

وان نشدت الشعر عن بعض الوثايق
قال هذا النادر اللي سد ريعهـ

وكانو الشعار في جمبهـ علايق
وكل عسرً لاحتما الماقف يطيعهـ

وياقحطان وياجماهير ابن شايق
راح عبدالله وياكبر الفجيعهـ





كلمات الشاعر / سعد بن جدلان الأكلبي

الموضوع الأصلي: مرثية عبدآلله بن شايق القحطآني | | الكاتب: الوآآفي | | المصدر: شبكة بني عبس

[مفلح المهيمزي]

الله يرحمه ويسكنه الجنه

لاكن القصيده ماهي لابن جدلان

القصيده لسعيد ابو ديه حسب اللي ظاهر بالمنتاج وحسب ماهو متناقل

ولك جزيل الشكر

[الوآآفي]

اقتباس من مشاركة مفلح المهيمزي الله يرحمه ويسكنه الجنه لاكن القصيده ماهي لابن جدلان القصيده لسعيد ابو ديه حسب اللي ظاهر بالمنتاج وحسب ماهو متناقل ولك جزيل الشكر

الله يعطيكـ العافيهـ

وأشكركـ على هذا التوضيح

وأنا اسف على نقلها بالخطاء