[النمر1012]

القلب ياخالد طوته المشاوير
منساق في وقته على غير لايق
البارحه ياخوك حزن وتفاكير
مهموم والدنيا هموم وعوايق
تدري لو إنه حس في حالي الطير
يبكي حزن من ضيقتي ويتضايق
أدري كلامي فاق كل التصاوير
بس الصحيح البال ما هو برايق
تخنقني العبرة مثل طفلن صغير
من غابت أمه شاف ظيم الخلايق
وأبوه مبطي قد خذته المقادير
وجده ضرير وعاقبته العوايق
حاله تردت من ردات التباشير
والعمر راح ويم الموت وايق
هذي حياتي ياحفيد المناعير
من غاب خلي صرت للمر ذايق
وجو الكويت بغيبته صايرن غير
هذي الحقيقه كان تبغى الحقايق
أن كان لي عنده معزه وتقدير
يشوف حالي عقب طول الطرايق
ماهو بحق يغيب من دون تبرير
ويترك عشيره في زمان الغلايق
ما قصدي حاجه بس ياجعله بخير
ويعيش عمر دوم والبال رايق



سعود الذيابي

الموضوع الأصلي: رداه الحظ | | الكاتب: النمر1012 | | المصدر: شبكة بني عبس

[المشعل]

ماهو بحق يغيب من دون تبرير
ويترك عشيره في زمان الغلايق
ما قصدي حاجه بس ياجعله بخير
ويعيش عمر دوم والبال رايق

صح السانك ولاهنت على الابيات الجزله

تحياتي لك