[العقاد]

بسم الله الرحمن الرحيم

السلام عليكم ورحمة الله وبركاته


هذه المحاروة تم اختيارها من افضل المحاورات بين الشاعر بندر عايش والشاعر المهم1

بندر عايش

سلام يتبعـه الرضـاء

والسامع يرد السـلام

للناطقـه والصامـتـه

سلام يتبعـه الرضـاء

واللي نشد عن مامضى

يصبر ليا جاه المـلام

يصبر علـى شماتتـه

دامه نشد عن مامضى

المهم1

يامرحبا واهل النضا

باليل تسري ماتنـام

يقول مـن ماهمتـه

يامرحبا واهل النضا

قبل نولع بالغضـى

ونفسر احلام الضلام

عطني قضيه ثابتـه

قبل نولع بالغضـى

بندر عايش

قلبك من ضلوعك جظى

من قبل تدخل باالزحام

انت بمجـرد شوفتـه

قلبك من ضلوعك جظى

كلن برايـه مرتضـى

وكلن يرى نفسه تمـام

شوف القضية مثبتـه

كلن برايـه مرتضـى

المهم 1

وش فيك ياحكم القضا

حرام تجحدني حـرام

والوقت غيري غامته

وش فيك ياحكم القضا

حنا نحلـق بالفضـا

والريش ماسر النعام

لاتلتـفـت لنابـتـه

حنا نحلـق بالفضـا

بندر عايش

الرجل يعرف وش نضى

ويعرف مواجيب الكـرام

مأحـدٍ يبـدل هامـتـه

لو ماعرفنا وش نضـى

وشرواك من عندي حظى

قبـل يعرفنـي باحتـرام

واليا نطـق لـي جابتـه

بالسمع من عندي حظى

الموضوع الأصلي: المحاوره المختاره للاسبوع الثالث | | الكاتب: العقاد | | المصدر: شبكة بني عبس

[(*العرعري*)]

بيض الله وجهك يابوجابر

[العقاد]

ووجهك ابيض اخوي العرعري

[صقر ابن عبس]

بيض الله وجهك يابوجابر

[العقاد]

ووجهك ابيض ياصقر ابن عبس
مشكور ع المرور

[العالم الفلكي]

بيض الله وجهك يابوجابر على هالجهود الجباره

[العقاد]

ووجهك ابيض مشكور العالم الفلكي ع المرور

[رماد الدمار]

والله شعرا يستاهلون