[رشيد]

ما بين انكسار الشوف والواقع المغمور
بنيت الوصال وهدني صمت خلاني
وروضت صحوة ذكرياتي على الميسور
ورفعت ابتسامات الأمل لآخر أحزاني
حبيبي ودولاب الزمن والحياة يدور
وأنا واقف ما بين وصلك وهجراني
تعلمت من قسوة زماني ثلاث امور
غلاك وصمودي وأجمل سلوم جداني
وأخذت أتأمل حلمي الغافل المذعور
ما بين الصخب في صدري وصمت جدراني
أقلب خفايا حيرتي والحياة سطور
وأبعثر تعب عمري والأيام تقراني
لقيت أول خيوط الأمل واقع مكسور
وشحوبٍ على مر الليالي تمراني
أناجيك وأغفو وأحتضنك وتضيق بحور
وأسولفك وأقرأ في سوالفك خذلاني
أردد غلاك وينتثر في فضاي زهور
وأتمتم بحسنك لين يشربك وجداني
وأعود بضيق خطاي وألمحك شمعة نور
تسولف لها غربة خفوقي عن أوطاني
وأمد الوفاء وينام وصل وتهيم صدور
وأنا أقلب أوراق الرضا قبل تنساني


اسم القصيده وقائلها :
" الصخب "
للمبدع / نايف المطيري

</b></i>

الموضوع الأصلي: " الصخب " | | الكاتب: رشيد | | المصدر: شبكة بني عبس

[سعد محمد]

قصيده رائعه .

وصح لسان الشاعر ولا هنت يا ناقل التميز وذوق الجميل.

[كاتب الرشيدي]

بارك الله فيك

اجدت الأختيار


وصح لسان شاعرها

[رشيد]

شكرا لمروركm على موضوعي وهذا شرف لي ووسام على صدري