[النمر1012]

ليت المسا يا صاح يقفي على خير
ونغلق معه يا صاح صفحة قديمة
صفحة ملاها الحب كذب(ن) وتزوير
وقلبي شهد بالكذب وربي ظليمة
قلنا نحب البعض من دون تغيير
واثر الذي يرجيه هجري بشتيمة
اقبل علي والجرح لساته يغير
من طعنته يوم الليال السقيمة
فزيت له شيخ(ن) يقود الطوابير
لو الفقر في مجلسه ما يقيمه
ماتوا عياله دون سبه وتفسير
وابقوه ربعه دون همن يهيمه
تلعب به الجروح لعبة مشاوير
كل ماخفى جرح(ن) تجيله عظيمه
من عقب ما كانت سيوفه شواطير
نوح الحمام يجيه مثل اللطيمه
يشكي جروحه فوق صدر المساطير
وتنزف له الآقلام دم الجريمة
رحبت به يا صاح من دون تاخير
يبقى زمان(ن) فات عندي بقيمة
وحمست له بني على نار ما غير
شبيت له ضلعي شبوب الظليمة
ودقيت نجر الحب دقة مصابير
علّه تذكر يوم كنا نهيمه
ولمحت انا دمعه على الخد بيغير
وكفكفت له دمعه ودمعي حريمة
وش فيك يا خلي تهل المعابير؟
كنت اذكر الدمعه في عينك جريمة!
عوّد ترا للشوق رجفة تباشير
هلّ الفرح في دار عقبك ظليمة
يومك رحلت العين ما طابها غير
رعد(ن) يسوق الدمع لعناق غيمه
شفت الفرح في غير ضحكك مخاسير
وان للحزن فــ البعد قدر وحشيمة
شابت بي الدنيا وانا توني صغير
وش هو وقار الشيب لا قلت شيمة؟!
وصحيت من حلمي على صيحة الطير
يومه رقا فالجو يرقب وسيمه
و اثر الذي قد صار كله تصاوير
وان الوصال محال لعيون ريمه
اصعب فراق ان كان ظلك مع الغير
كل ما نويت البعد شفته لزيمة
قم يا مسى وارجوك تقفي على خير
بغلق مع النسيان صفحه يتيمه
يمكن يعود الشوق مع صيحة (طوير)
والطف عذاب الحب دمعه اليمة
ولا تنزعج يا صاح.. كذب وتزاوير
اللي بكت عيني وعينه حريمة



بدر عبيد

الموضوع الأصلي: فزيت له شيخ(ن) يقود الطوابير | | الكاتب: النمر1012 | | المصدر: شبكة بني عبس

[سعد عبدالله]

الله عليك بالنمر دئما مبدع الله يعطيك العافيه
وصح لسان شاعرها
وتسلم يمين ناقلها

[النمر1012]

الله يعافيك يامجازف ومشكور ياخوي علي المرور

[ذبحني غروركـ]

صح لسآآآآآآآآآآآآنك
حلوووووهـ ...لاعدمناا هالذووق

[النمر1012]

صح بدنج وتسلمين وهذا من ذوق ولاخل ولاعدم ومشكورين علي المرور

[البااارونه]

صح السان الشاعر بدر عبيد

وتسلم ايدك اخوي النمر على الاختيار الرائع

[النمر1012]

الله يسلمج يالبارورنه وعافيج ومشكوره علي المرور