[رشيديه و أفتخر*]

مابيك تستغرب إذا قلت مابيك
قلبي من اللي صار غيّر كلامه..........



تدري وش اللي حدني يوم اناديك
بودعك واقول مع السلامه..........



بودعك وانسى زمانك وماضيك
وداع من ذاق الجفا والملامه..........



لكنّ ودي أسألك قبل اخليك
وابيك تعطي للسؤال اهتمامه..........



في ذمتك وشلون غيرتني فيك
وخليتني استغرب غلاك ونظامه..........



وانا عشانك كل ماتطلب يجيك
رفعتلك هامه و نزلت هامه..........



ما عاد لك في داخلي حيّ يبكيك
صدري قِبَر كل الحواس بعظامه..........



اغليك صح أنا اشهد إني كنت انا اغليك
والحين راس المال منك السلامه..........



لا تقول ليه وكيف وشلون وشفيك
ماضيك يعطيني لبكره علامه..........



ما ودي اضيّع حياتي بأياديك
دام إن من عزك تنزل مقامه..........



غلاك ماعلمك تكسر تغليك
وغلاي اثبتلي الوفا والشهامه



كافي نضيع وقتنا في بلاويك
ما يِرجِع اللي راح كثر الندامه..........



وإن ضاقت الدنيا بزحمة طواريك
الليل الأسود مايطول ظلامه..........



والحين تعرف ليه انا قلت مابيك
و قلب ٍ يحبك ليه غير كلامه ..........



ودعتك الله لاتجيني ولا اجيك
ولاعاد تسأل خاطري وش علامه..........



ولا تنصدم في بسمتي يوم احاكيك
أحياناً تلقى بالجريح ابتسامه..........

الموضوع الأصلي: بودعك واقول مع السلامه.......... | | الكاتب: رشيديه و أفتخر* | | المصدر: شبكة بني عبس

[سعد بن عادي]

ابيات رغم قسوته الا أنه غايه في الجمال

شكرا لك رشيديه على هذا الذوق والاختيار

ودمتم كما تحبون

[سعد عبدالله]

رشيديه سلمتي على هذا الطرح
وعلى هذه الابيات الجميله رغم قساوتها
دمتي بود

[رشيديه و أفتخر*]

مششكورين ع المرور

دمتم بخير

[الهطلاني]

صح لسان شاعرها وشكرا على النقل

لكن من هو شاعرها ؟

[ذبحني غروركـ]

ذوووووووووق رشيدية لاعدمنااك الله يسعدك

[سند الداموك]

أبيات في غاية الروعه حقيقه لوأنها محزنه وقاسيه نوعا ما

ولكن الابداع لايأتي إلا من اهل الابداع والذوق

مبدعتنا رشيديه تسلمين وننتظر جديدك

[كبرياء امراة]

والحين تعرف ليه انا قلت مابيك
و قلب ٍ يحبك ليه غير كلامه ..........



ودعتك الله لاتجيني ولا اجيك
ولاعاد تسأل خاطري وش علامه..........



ولا تنصدم في بسمتي يوم احاكيك
أحياناً تلقى بالجريح ابتسامه.

من,,مـــــــااا اعجبني,,
غاااليتي:
قصيده بغاااايت,, الجماااال,,والــــــــروعه,
لكي,,حبي,,وودي