[ЖالجبلЖ]

السلام عليكم ورحمة الله وبركاته

هذه محاوره جرت بين الأشقر من حزب النصر والجبل من حزب الشباب ،،،،،

الأشقر

سلام يا حزب ناصر والمعارك كل يومن وليل
من هاجس الاشقر الي بالمعارك كل ليلن ويوم

المعركه دايره وجيوشكم ما بين جرحا وقتيـل
ما نعتق ارقابكم يالين تدفعها ضريبه ورسـوم

الجبل

يامرحبا فيك يالأشقر وأنا ليلي وليلك طويل
ما قلتها غير عندي ياعميل الخير عنك علوم

المعركه بيننا قامت وكلً معه سيفً صقيل
خليت دار الحجاز وجيت قلبك ممتلي بالهموم

الأشقر

دام البقى فيك يا ضلع شباب الي يحـط ويشيـل
والي يبا المرجله يركض ورى الدنيا ولا فيه نوم

ان كان تبغى الصراحه يا جبل حزبك كبير وثقيل
لكن ما شفت له يا صاحبي ميدان بيـن النجـوم

الجبل

حزب الشباب إمعروفً بإنعدال وحزبكم فيه ميل
وإنكان تجهل علوم الناس قلنا ماش عندك سلوم

حنا هـــــــنا كل يومً وأنت حزبك كنه المستقيل
مــــــن يوم غارة عليه القوم حزبك طايحً ما يقوم

الأشقر

يا ضلع مدري جبل وش حيلتك حزبن بليا دليل
مثل الغريق الذي وسط البحر ماهو بقادر يعوم

حنا نهار الحرايب خيلنا مقدام يصهـل صهيل
ولانت مثل الذي وسط المساجد ريحته ريح ثوم

الجبل

يشهد لنا صرحنا الشامخ وكسبً عد بأطيب حصيل
مــا نأخذ أشواركم وأنتم هل السيف الذي به ثلوم

أنته وربعك نشــوفك كل يومً وسط بطن المسيل
لاكن حذرى ترى جاك المطر والجــــو كله غـــيوم

الأشقر

الجو يرعد ويبرق مير ما شفنـا مسيـل المخيـل
والناس تنظر سحاب الصيف ولو ماسال ما جاه لوم

حنا قرينا على الشاشات حزبك مثل عابـر سبيـل
وبعد التوسط من رجال القبيله صرتم اخــــــر رقـوم

الجبل

إنكان عينك سليمه مد شوفك مع رجالً تخيل
الســـــــيل غثوه له أيامً مع الوديان يأهل اليموم

تبقاء على الأرض يالأشقر وحنا فوق نجمة سهيل
وإليا بــــــــغيت الحقيقه تالي الأيام صرتوا رخوم

الأشقر

تبا تعنس جميله والسبب من راس اخوها جميل
وجميل معه الحقيقه دامها وجهن عبوسن شؤوم

انته كما نجمةن وسط السما ما يوجد إلها مثيـل
خل العــــلوم الضعيفه يا جبل والعافـــيه ما تـدوم

الموضوع الأصلي: الأشقر × ЖالجبلЖ | | الكاتب: ЖالجبلЖ | | المصدر: شبكة بني عبس

[العالم الفلكي]

صحت السنتكم ومكشور يالجبل على التنسيق

[الشبح]

صح اللسان الشعراء محاوره رائعه بكل المقاييس فيه نقض وفتل شعراء كبار

الله لا يهينك على التنسيق

[الاشقر]

الله يبيض وجهك يالجبل على التنسيق

وصح اللسانك