[الغريبة]

قلبي يناشدني يبي شي مفقود *** عن حاجة من غير وده فقدها
يسأل وانا دنقت من دون مردود *** عجزت اطلع كلمة يعتمدها
ماقلت لا ضايع ولاقلت موجود *** سكت ماكنه لروحي نشدها
اخفيت ماكنيت والجوف ملهود *** والنار في روحي تزايد وقدها
عليك ياللي تفتن الناس بالسود *** سود العيون اللي فوادي عبدها
وجدي وجود ام الولد زوجة العود *** اللي نهار الكون داسو ولدها
جضت لشوفه بين شاهد ومشهود *** وعضت عليه ابهامها من نكدها
وجتله تلمه والحشاء منه مسرود *** والدم من جوفه مغطي جسدها
وصاحت بصيحه مالها حد وحدود *** وجرت شعرها من بلاها بيدها
وراحت تجيب العود من قلة الفود *** تشكي تقول انه توفى سندها
وابوه شاف ومات حسره ومضهود *** وبقت عجوزه في سكنها وحدها
عليك ياحلو البها ناعم العود **** حلو الليالي لاتغير عهدها
ارفق بحال سعود ياغاية سعود **** انا دخيلك لاتربط عقدها

الموضوع الأصلي: قصيدةلاتطوفكم للشاعر سعود الفهد | | الكاتب: الغريبة | | المصدر: شبكة بني عبس

[برق الوسم]

صح لسان الشاعرسعود الفهد ومشكوره ع نقلها لنا

[وسام عبس]

صح لسان الشاعر مشكوور ع النقل

[خالد البغيلي]

صح لسان الشاعر مشكوور ع النقل