[حنان الرشيدي]

" بسم الله الرحمن الرحيم "


صباكم / مسائكم ~> غارق بالجمال

شاعرنا أبو عواض قرر يستدعي المبدع العميل
السري و يدخل معه في نقاش .. لا حوار .. يمكن حديث ودي 
تدرون ..أترككم مع المحاورة و أنتم سموها ^_^

أبو عواض

يالعميل اللي تعرف العلم بالله قلي = وش علاج اللي سواتك علته معروفه
رجل لامنك عطيته صار سيف يسلي = ورجل لامنك عطيته شفت منه ردوفه

العميل السري

ول بالصاحب اللي كل ماقلت ياللي= جاء حريره بيديه وخالطن فيه صوفه
تالي الوقت لو قال الزمن مسفهلي=بعدالاشراف روح مالحقته الحسوفه

ابو عواض

اخص ياخوت هل الدينار واهل الملي = ياعميلي لاتناطحنا تلوفك لوفه
والله اني بالحميه كنت اجيلك كلي = مبعد المنقود عني بعدكم للكوفه

العميل السري

صاحبك مايضيع ولو يموه يدلي=من جمعهم عسى الله مايخلف معروفه
رزهم بالمجاس فوق مركى وزلي=لين قامت تناهش جسمنا من كتوفه

ابو عواض

وين عقلك ياخوين للدروب يدلي = كل ما حثيتها للدرب قال الطوفه
مابقي قدمك سوا البارود والعصملي = واجه الفرسان ولا موت في هالخوفه

العميل السري

انت لا تقصر خطاك ولاتزيد الغلي=قل مشينا والخطى من بيننا منصوفه
والله انا من طناختنا اليا من حلي=للوغاء يومن تشوف عيونهم مخطوفه

ابو عواض

منت راعي معركه راع خل وخلي = تبتسم للناس وتعلك بعلكت نوفه
عز ياوقت مظي ليته علي يطلي = واذبحك مثل الخروف اللي نصوه ضيوفه

العميل السري

شوفة الخلان تسوى مقابلك وتسلي=يوم شوفك يزعج الخافق ويقلق جوفه
وانت لاشفت الك ذيب ن بالحلال مفلي=صد لاتزعجه وينزع روحك الملقوفه

\

صحت ألسنة الشعراء ..
و دمتم برعاية الله .

الموضوع الأصلي: | .. (أبو عواض )..+..العميل السري ..| | | الكاتب: حنان الرشيدي | | المصدر: شبكة بني عبس

[أمـــير بـكلمتي]

تنسيق اكثر من رايع
من يد عسى ان تدوم لنا
تحياتي لك حنان مبدعه

[سعد محمد]

صح السنتكم جميعآ يا مبدعين


سلمتي لنا يا حنان على هذا التنسيق الرائع .

[• طہَإلً انتہَظہَ‘ـٍَ_ـاريَ•]

تنسيق اكثر من رايع
صح السنتكم مبدعين

[ناصر الخياري]

تنسيق اكثر من رايع
صح السنتكم مبدعين

[شلاش]

بيض الله وجيهكم

[محمد بن فـايد]

ينطيكم العافيه

[هيون]

صح الله السنتكم جميع
ومشكوره حنوون على التنسيق ومبدعه في كل حالتك
تقبلو مروري