[مسندالعويمري]

السلام عليكم ...

اعضاء هذا المنتدى الجميل اتمنى ان تكونوا في اتم الصحه والعافيه
اليكم هذي القصيد اعجبت بها واتمنى ان تصل اليكم بالمقصود ....

ماراح اناديك لو هي حالتي خطـره=لأن مثلك بهـذا الوضـع ينسانـي
لاتحسب اني على مثلك انـا بشـره=لا ياصغيـر انـا مانـي بشرهانـي
بعاتبك بس ليـن تفـك هالسكـره=وبعلمك عن طعون(ن)وسط وجداني
وش رايك نروح انا وياك للسهـره=سهرة جروحي وبعزم معك حرماني
نشرب من الهم ونسولف الى بكـره=واذا بغيت الطرب بعزف لك الحانـي
الحان عندي فقط للقلـب محتكـره=والله لسمعـك معزوفـة احـزانـي
بعلمك عن ضلوعي شلون منكسـره=وبعلمك كيف انا ضيعـت عنوانـي
وبعلمك كيف عاش الطفل في حسره=وبعلمك طيب قلبـي ويـن ودانـي
وبعلمك عن صديق الغدر وش امره=وبعلمك عن خفايـا العالـم الثانـي
وبعلمك عن عشيرك كيـف تختبـره=وبعلمك عن حبيب(ن)كـان يهوانـي
وبعلمك عن شجاع(ن)عاش في عثره=وبعلمك عن هموم(ن)فـوق امتانـي
أثر اقرب الناس مني داخلـه حـره=زعلان مني عشان عيـون خلانـي
ان كان قصده يحط بداخلـي جمـره=بدري على من وصلنـي ماتعدانـي
انا حفظت العهد مع خاين العشـره=ابي تبين بعينه ميـر مـا امدانـي
عاشوا على الغش خداعين هالزمره=يقابلك شخص وشخص بداخله ثاني
معقول ماقد جلـس فكـر ولومـره=وشلون عايش بعين الناس حيوانـي
والله ياهي خلايـا المـخ منبهـره=وشلون يقدر يعيش بفكر شيطانـي
يالعنبـو دمهـم ياكيـف ماعمـره=ناظر بعين الرجوله وجهه الجانـي
معقول هذي السوايا تقـدر تسـره=معقول لو خان ربعه كيف مايعانـي
يعني يحسب البشر موكاشفه سـره=الله ياهـو غبـي يومـه تغيبانـي
ياصبرها ارضهـم وقلوبهـم قـذره=يمشي بليا هـدف فالغـي هيمانـي
انـا خويـي اذا اخطـا ابـاعـذره=بس بشروه الخساره لـو تحدانـي
الا الخيانـه انـا مااحبهـا فطـره=مسكر(ن) دونهـا بالقفـل بيبانـي
الوقت من قسوته اعطانـي الخبـره=والهم من ضيقتـه بالمـر اسقانـي
عاصرت هذا الزمان بلينه وعسـره=والحزن ياما ويامـا قـد تحفانـي
ماقد دعاني خويي نافـذ(ن) صبـره=الا واول رجـل بالصـف يلقـانـي
تبي تعرف الرجل في بنت او سفـره=وصل كلامي وبلغهم علـى لسانـي
وش للرجل بعد مايقفي سوى ذكـره=اسأل دموعه الى من صاح من شاني
قولوا لمن خان يروح برجله لقبـره=لأن مثله حـرام تشوفـه أعيانـي
ياقلب هذي دموعك ليـش منتثـره=مافيه شي(ن) عشان تقول ندمانـي
خلاص رح ياصغير بس على فكـره=ماعاد ابي رجعتـك لاعـد تمنانـي

تقبلوا تقديري واحترامي

الموضوع الأصلي: لأن مثلك بهـذا الوضـع ينسانـي | | الكاتب: مسندالعويمري | | المصدر: شبكة بني عبس

[الـرونـق]

صح لسان شاعرها..


مشكور أخوي مسند على الاختيار الجميل..


الله يعطيك العافيه..

[مسندالعويمري]

اقتباس من مشاركة الـرونـق صح لسان شاعرها.. مشكور أخوي مسند على الاختيار الجميل.. الله يعطيك العافيه..

الـرونـق شكرا على المرور الجميل نورتي صفحتي

[عبدالعزيزعلي]

:
:
صح اللسان الشاعر
ولاهان الناقل
تحياتي
:
:

[مسندالعويمري]

لا هنت يابو جلوي نورت صفحتي

[العريض]

صح لسان شاعرها..


مشكور أخوي مسند على الاختيار الجميل..


الله يعطيك العافيه..

[خاتم الرشيدي]

صح لسان شاعرها..


مشكور أخوي مسند على الاختيار الجميل..


الله يعطيك العافيه

[امل]

صح لسان شاعرها..


مشكور أخوي مسند على الاختيار الجميل..


الله يعطيك العافيه..