[المهيمزي666]

من دار اخو نوره ليا دارالابطال
دار الصباح اهل الوجيه الفضيله

سلام ياربعي جزيلين الافعال
بني رشيد اهل المهار الاصيله

وقفاتنا يشهد لها جيل وجيال
وقفة رشيدي لرشيدي جزيله

عدونا يرجف ليا شاف الازوال
واللي نوينا مهتنا في مقيله

كاس المنايا نشربه شرب فنجال
اليا نخنا لافحات الجديله

حنا هل الفزعات في يوم الاهوال
حنا الرعد لارج وسط المخيله

اليا غضبنا صار بالارض زلزال
وراسن يعاند من متونه نشيله

قومن لنا بطيب مجلس ومدخال
ننزل منازيل الرجال الاصيله

ترشحو من ربعنا وقفة ارجال
والفوز من حق الرشيدي ينيله

وكل القبايل نعم وافين الاخصال
عيبن علينا ذمهم والهزيله

هذا ويسامع بدا ليلنا اوطال
بعد الاذن منكم ثواني قليله

سلام ياصقر بني عبس الاشبال
اللي مواقيفه تنجي دخيله

لو مالت اجبال السروات ما مال
مبارك اللي بشدايد نجيله

المجد صفقله وله فيه منزال
ابو معاذ افعاله اكبر دليله

انا اشهدنه عز في كل الاحوال
عز البلاد اوعز كلالقبيله

والله يلو ماتحدني عنه الاشغال
لصل الحفل وحب خشم الدويله

لنه ليا منه صفق جال في جال
عبس الشهيره تزبن اللي مثيله

وناسند وابصم وحبر القلم سال
انه رقا بالمجد راس الطويله

وياللي موصل لاهل الطيب مرسال
معك الامانه والامانه ثقيله

حب الخشم عني ولطيب رجال
ونت الزميل ونائب عن زميله

الشاعر
سند فالح المهيمزي

للتواصلalmhimzi@hotmail.com

الموضوع الأصلي: قصيدة في مبارك الدويلة | | الكاتب: المهيمزي666 | | المصدر: شبكة بني عبس

[خطاف الشعار]

أخي المهيمزي أشكرك على النص
ولي عودة أن شاء الله لنقد الهادف

[مرزوق العجوني]

صح لسانك اخوي ويستاااهل ابو معاذ

[عيد سعود]

صح لسانك ومشكور ونعم في حكام الخليج الابطال وبيض الله وجهك ويستاهل الممدوح الدويله وتقبل مروري

[المهيمزي666]

اقتباس من مشاركة خطاف الشعار أخي المهيمزي أشكرك على النص ولي عودة أن شاء الله لنقد الهادف

حياك الله
ونتقبل النقد الهادف

ملاحضة:صاحب النص ليس أنا بل هو أخي
الشاعر \سند فالح المهيمزي
اما انا اسمي ابراهيم (( ابو روان))
وحيث ان الشاعر سند ليس له مشاركات في المنتديات ولا عنده امكانيات حالياً
فأوصاني بنشر قصايده في هذا المنتدى الشامخ.

ولك مني أجمل تحية

[المهيمزي666]

اقتباس من مشاركة مرزوق العجوني صح لسانك اخوي ويستاااهل ابو معاذ

نيابة عن صحب النص:
صح بدنك وشكراً لك

[المهيمزي666]

اقتباس من مشاركة عيد سعود صح لسانك ومشكور ونعم في حكام الخليج الابطال وبيض الله وجهك ويستاهل الممدوح الدويله وتقبل مروري

صح بدنك
ولك مني
أجمل تحية

[يعقوب العبسي]

صح الله لسانك