[رسام]

مساء الخيـــــر ارجو ان تنال اعجابكم
يـــاوجـــود الـــلـــي عــيــونــه شــقــاويّـــه .... مـــرّهــــا حـــلــــو الــمــنـــام وتــعـــداهـــا
كـــــن بــيـــن جـفـونـهــا جـــمـــرةٍ حـــيّـــه .... مـايـطـفــيــهــا ســـهـــرهـــا ولا مــــاهـــــا
بـيّــتــه لــيـــل الــشــتــا فـــابـــو حـــدريّـــه .... واحـتــداه و حـــد نـفـسـه عـلــى أقـصـاهــا
مـشـكـلـة بــعـــض الــصـــدور الـجـنـوبـيّـه .... لــــو تـجـيـهــا دمــعـــة الـطــيــر تـمــلاهــا
الــعـــوامـــل والــــظــــروف الـطـبـيـعــيّــه .... غــيّـــرت مـــجـــرا زمــنــهــا ومــجــراهــا
يــاوجـــود الــلـــي عــشـــق لــــــه (....!!) .... فـــي صــــلات الــرحــم مــاهــوب ويــاهــا
مــــن تـحـبّــه لــــو تـحـبّــه عــلــى الـنـيّــه .... بــرّكـــت بـأقــصــى ضـلــوعــه مـطـايـاهــا
ذوقــتــنــي هــجــرهــا ثـــانــــي ضــحــيّـــه .... و اصـطـلـت روحـــي عـلــى حـــر فـرقـاهـا
طـيّــرت مـــن غـصــن الاشـــواق قـمـريّـه .... ورهـنـتــنــي فــــــي هـــواهـــا ولامـــاهـــا
حــايــلٍ مـــــن دونــهـــا حـــــول وشــويّـــه .... مــــيــــر مالله حــــايــــلٍ دون ذكــــراهـــــا
كـــــل حــاجـــه بـاقــيــه مـــثـــل مــاهــيّــه .... مــاســرا مـعـهــا عــلـــى درب مـســراهــا
كـــود عـضــوٍ (فـــي جـهـتــيّ الشـمـالـيّـه) .... فــــاع مــــن عــــوج الـحـنـايـا وخــاواهــا
ودمـــعـــةٍ نـطّـحـتــهــا راحـــــــة ايـــديّــــه .... ( افففف ) ياماحرّها و ( احححح ) مقساها
حـوّلــتــهــا يـــــــوم قـــالــــت وداعــــيّــــه .... و اسـتـبـاحـت سـتـرهــا فـــــوق مـاطــاهــا
حـيـلــتــي لاهـــبـــت الـــنـــود عــصــريّـــه .... قــمــت مــــع كـــــل الـجــهــات آتـحــراهــا
وأمــســـت الـفــرحــه يـتـيـمــه ومـنـسـيّــه .... فــــي عــيــون حــرقــة الــوجــد تـصـلاهــا
عـــن خـديـنـات الــتــرف نـفـســي امـعـيّــه .... لــــو تـجـيـنـي مـثـلـهــا كـنــهــا ايــاهـــا !!
مـــن غـــدت مـنــه ( الـذلــول العـمـانـيّـه ) .... مـاتـعــوضــه ( نـــاقـــة الله وسـقــيــاهــا )
دكّـــــت ضــيـــوف الـمـعــازيــب رجــلــيّــه .... مـابــقــى الاّ ضـيــفــةٍ فــــــوق مــركــاهــا
ســيــرةٍ مــــن وحــــي عـامـيــن هـجـريّــه .... ودّي أنـــســــاهــــا ولا ودّي أنـــســــاهــــا
الــمــعــالـــم والــــرســـــوم الــطــلالــيّـــه .... مــايــحــفــظ أمـــجـــادهـــا الا بــقــايــاهـــا
ذكـــريـــاتٍ تــعــبـــر الــعــمـــر طــرقــيّـــه .... وذكــريـــاتٍ فــــــي وطــنــهــا ومــربــاهــا
وصـــورةٍ فـــي مـتـحــف الــبــال مـطـويّــه .... كــــــــل يــــــــوم آفــلّـــهـــا وآتــهــجــاهـــا
مـــــن لــهـــا قـــــدر أوّلــويّـــه وأهـمــيّــه .... مـاشــعــرت بـغــربــة الـــــروح لـــولاهـــا
والـــــذي نـفــســي بـــيـــده إنّـــهـــا لـــيّـــه .... أقــــرب مـــــن كـفـوفـهــا عــنـــد حـنــاهــا
لــــــو جـفـتــنــي والــعــيــون الـشـقــاويّــه .... مـــرّهــــا حـــلــــو الــمــنـــام وتــعـــداهـــا

وسلامتكم .... للشــاعر..مدغم أبو شيبه

الموضوع الأصلي: ياوجودي اللي عيـــونه شقــاويــه ....مرهــا حلو المنــام وتعداهــا | | الكاتب: رسام | | المصدر: شبكة بني عبس

[ريم]

(....!!!..) احم احم احم القصيده مررررررررره روعه

يعطيك العااااااااااااااافيه

ودمتم

[رسام]

تسلمين اختي ريم على مرورك

[فتى كسلا]

اشكرك على ماقدمت فى هذه القصيده من كلمات ومعانى لها طعم خاص
طيرت من غصن الاشواق قمريه
وارهنتنى فى هواها ولاماها
وصح لسانك

[مرزوق العجوني]

صح لسان مدغم ابو شيبه ولا هنت على النقل اخوي

[رسام]

مشكورين على المرور االرائع