[ناصر محياء]

ناصر
سلام ياهل الوفى من بعد عيدّ سعيد = الله يبارك لكم بالعيد ويعاوده

الليله اللي يبى يلعب بثوبّ جديد = الله يحييه ماب الملعب محايده

بشير
الله يحييك ياناصر عسى الله يعيـد = العيد و تعايده واللـي نبـى نعايـده

يالشاعر اللي على الشعار باسك شديد = الـك التراحيـب مثنيـه ومتقايـده

ناصر
فيك البقا ونت لاصعبات رايك سديد = الي متقدر على قدراته التسايده

اسلك طريق السلامه والمسافه بعيد = يشاعر الي يهونه وهي كايده

بشير
ابشربها وانت تضرب في يدٍ من حديد = وأنا على أول خطى والعيـن للفايـده

مير أنتبه لي من التغريز فأول نشيـد = على مهل والبقـى ياخـوك للزايـده

ناصر
احرجتني يابشير ويبس خضر الجريد = الله يحرجك فالجنه عنى البايده

عندك سياسه قوية ماتبيلك عضيد = ماتقصر ايديك والبلعوم فالمايده

بشير
الليله الجو صافي والكلام الأكيد = ترقى سما والهقاوي كلها صايده

ياناصر الدين وإلا يالكريم الوليد = ابسألك فيلق الشعار من قايده !

ناصر
اليله الجو صافي ونت عبد الحميد = وعينك مالديتها الا في نحر نايده

والشعر شمل التقاعد فيه رتبت عقيد = ومتساوياّ فيه جنديه علا رايده

بشير
أشوف لي ناس بالتاريخ قامت تزيد = وهي مهي عنه مسئوله ولا رايـده

أخفوبه الصح وأخطوا فالكلام الجديد = على مسامع جميع الناس فمزايـده

ناصر
العلم ياصاحب في صدر ساع البريد = الي يجدد رسايلهم وهي بايده

والناس ماهمهم لاصاحي اولا بليد = ياقل ناساّ ماتلقى عندها محايده

بشير
قالوا( ر ش ي د ) الابو ماعاد الأبو رشيد = وهـذي فريسـة معادينـا لـو نكـايـده

وحنا سلالـة فخـر والمجـد فينـا تليـد = ماننشـد الدانيـه والضعـف ومعـايـده

الموضوع الأصلي: محاورة ناصر محياء - وبشير الزبني | | الكاتب: ناصر محياء | | المصدر: شبكة بني عبس

[ابو براك الرياض]

الله يعطيك العافيه
على النقل الرايع

[الحجباء]

صـــــــــــــح لسانك

ياناصر محياء و وبشير الزبني

والله يعطيكم العافيه عالمحاورة الرائعة

ونطلب منكم المزيد

[خطير]

صـــــــــــــح لسانك

ياناصر محياء و وبشير الزبني

والله يعطيكم العافيه عالمحاورة الرائعة

ونطلب منكم المزيد