[سعد المظيبري]

بسم الله الرحمن الرحيم
السلام عليكم ورحمة الله وبركاته

هذا بعض من قصائد الشاعر المتميز عبدالله السميري الذي شارك في النسخه الجديده من برنامج شاعر المليون

ونترككم مع القصائد


الم الم

بديت صخر يافكر بديـت واحفـظ يـاورق =بديت هبـي ياصبـا بديـت واكتـب ياقلـم
مدام مزن الشعر في الخفـاق براقـه بـرق =ابي اتفنن في القوافي وانت رفـرف ياعلـم
شاعر وبادي رحلتي شاعر وكرتي منحـرق =شاعر ومثل الناس يطمـح ويتمنـى ويحلـم
انه يحقـق ماتمنـى قبـل ياصـل مفتـرق =دربين من يمشي بها لو قال ابا اسلم ماسلـم
دربين مابوجيههن ذرة احسـاس ولاعـرق =دربين مـن نياتهـا الشينـه تفـرق ماتلـم
اوجيههن مغسولةٍ من زفت مدري من مـرق =متروسةٍ كره وغضب متروسةٍ حقـد والـم
لكن انا وبفضل من ينجي الغريق من الغـرق =عندي عن الدربين خلفيـه وبالدعـوى ملـم
ما أشرق بهرجي في فمي لو اكثر العالم شرق= آخذ من العالـم وارد بكـاش سلّـم واستلـم
حنا عيـال ادم وحـوا كلنـا مابـه فـرق= ياشيوخ ياباشات ياسـادات مـادري يازلـم
الم ترون انه خطا في الوجه تسكير الطـرق =؟الم ترون الم ترون الم والم .. والـم والـم ؟
الم تـرون ان التكبـر شـرك لونـه بـرق= شركٍ بمن نزّل عبس وانزل تبـارك والقلـم
يابهوات ايش رايكم ناخذ لنـا صكـت ورق =والمنهزم ياخذ من الفايز علـى وجهـه الـم

ـ شفاااء الطائف

يامعذب الاحباب ياغايب متـى وقـت الوصـول = أنا على نار انتظـر رجعتـك لوطـال الغيـاب
ياهمي الي لـو يـزول العمـر كلـه مايـزول =ياقرب من الي في يدي وابعد علي مـن السحـاب
ياصيف عمري ياربيع العمر ياغلـى الفصـول =يافرحتـي ياسلـوت الايـام يانـواع الـعـذاب
يابحر جده ياشفا الطايف ياحايـل ويـش اقـول =ياتراث مكه ياحضارت نجـد يابهـا والضبـاب
يانغمت الاوتار ياعـزف الموسيقـى والطبـول =ياظحكـت الاحبـاب مابيـن التغلـي والعتـاب
ياعنفـوان الخيـل ياوقفـات ماضيـن الفعـول =يانشوت الكسبـان ياعـزت عزيزيـن الجنـاب
يابسمت الاطفال يانظرات في الطـرف الخجـول =ياهيبت السلطـان ياقـدر اللحـى حـق الرقـاب
ياحكمت العاقـل ياعطـف الام يامعنـى القبـول =يالذت الماء في ظماء الظميان ياعـذب الشـراب
يامعجـم الاخـلاق يافهـرس تعاليـم الوصـول =ياروعـة الابـداع يابـنـك المـبـادي والاداب
فديت عمرك يابعد عمري جعل عمـرك يطـول= احسب احساب الي حسب لاحساب حسبتنا حسـاب
بجاه رب ام القـرى والقـدس وبجـاه الرسـول= انا مصاب اوجبك يلزمـك بسعـاف المصـاب
صبرت حول وحال حول الحول واستقبلت حـولو=انا انتظرك تذوب في قلبـي وقلبـي فيـك ذاب
وجيتك وانا كلي غلا جيتـك وانـا كلـي ميـول= النفس لارظاك احظرت والقلب لارظاك استجاب
وعجزت ياصعب طلوع اسالك ياصعـب نـزول =تصمت ولاحكي لك سوال اصمت ولاتحكي جواب
عزلتني عن عالمن ماكنـت انـا عنـه معـزول= اطرد وراك العمر كله كنـي اطردلـي سـراب
سمعت قولي وانت قلي ودي اسمع ويـش تقـول= انا طرحت الك السـوال ومنتظـر رد الجـواب

حــ 400 ـــصه..

ياكتاب عمـري وعنوانـه ويانصّـه =اخذ الجسد خاتمـه والـروح عنـوان
واقسم على اثنين قلبي قسم مـع نصّـه =خذ نص فهرس .. ونص اجزاء وبيبان
ياللـي مزايـاك بالتعذيـب مختصّـه =عذّبني احيان .. بس ارحمنـي احيـان
في الحالتين انت فيني صايـدٍ خَصّـه =قل ليه ؟ أقول لْك بأن الوضع خربـان
حبّك ملكني خلاص وخربت الرصّـه =لو ما أنت سلطان .. بس الحب سلطان
درست في مدرستك أربع مية حصّـه =وخليتني ملـك بايدينـك علـى شـان
اضحك واجاملك لو مدري وش القصّه =واصير غلطـان لـو مانـي بغلطـان
قدرت مني حمـاس القلـب تمتصّـه = بديت تكسب رضاي ان كنت زعـلان
وقدرت تقطع شريط القلـب وتقصّـه =وانا اتفـرّج واصفـق لـك وفرحـان
على عماها وانا مـدري وش القصّـه =ماني بغلطان .. لا مليـون غلطـان!

ـ قضية فلسطين

رفاع اسمعكم قصيـده جديـده =على لحن ياعين ياليـل ياعيـن
الشعب وافي والحكومه رشيـده =ووضاعنا نقطة قلم بين قوسيـن
ونفس الكلام الي نقولـه نعيـده =اكبر قضيه هي قضية فلسطيـن
فقيرنا يمشي مع الـدرب سيـده =وغنينـا مايعتـرف بالقوانيـن
كريمنا في البنك صفر رصيده =وبخيلنا وصل حسابـه بلاييـن
بالله كيف نعيش عيشه سعيـده =والعام كنا حزب واليوم حزبيـن
نجهل حقوق الله وحنـا عبيـده =ولانعترف بانا غلابا مساكيـن
يسبنـا شـارون ونقبـل ايـده =ويقول فري قووود ونقول قودين
وحنا بعض كلامنا ماء نجيـده =ونسوي انا فاهمين وعلى الديـن
وانا عنيد وعاشق الـي عنيـده =عزي لمن يعشق بنات السلاطين
هي بنت ناس ومنزلتهم مجيـده =وانا من عتيبه سعوط المجانيـن

ما

عاد يمديني..

يالي من اجلك عيوني نثرت ماها= تعال يمي وحـط يديـك بيدينـي
العين جاها من التعذيب ماكفاهـا= ياشيب عيني من الي شافته عينـي
ماتدرين انك جروح النفس ودواها =وانك ربيع الحياه وفرحة سنينـي
وماتدري انك هموم القلب واقساها =وانك مثل دمي الي في شرايينـي
رحلتك محبتك معك اول ظحاياها =والخافي اعظم بعد صبر وتشوفيني
من طاح في نار حبك من فداياها =سلامتي منك لو لحضـه تكفينـي
ليت السلامـه تحقـق واتمناهـا =سلامتي منك لو لحضـه تكفينـي
انا السلامه ماعـاد انـي بوياهـا =يمديني الحق بها ماعـاد يمدينـي
لو المثل قـال دورهـا وتلقاهـا =دورت فرقاك يـوم الله معافينـي
والله لاقاوم ضروفـي واتحداهـا =وانسى محبتك لو دينك على ديني
لارحم ابو عشرتك لارحم مجناها =ولارحم دربن لتعذيبـي يودينـي

الموضوع الأصلي: بعضـ قصائد عبدالله السميري العتيبي | | الكاتب: سعد المظيبري | | المصدر: شبكة بني عبس

[برق الوسم]

صح لسان الشاعر والناقل

[سعد المظيبري]

يسلمووووووووووووووو يا 1111 عبس علي المرور

[صالح مخلف المظيبري]

صح لسان الشاعر
ولا هنت على النقل
تحياتي لك والله يوفقك ويوفقنا جميع

[بنت النور]

صح لسان الشاعر
ولا هنت على النقل
تحياتي لك