[بنت الشمـال]

"

"

الموضوع الأصلي: أصلي شمالي | | الكاتب: بنت الشمـال | | المصدر: شبكة بني عبس

[بنت الشمـال]

ارجع ورى يا صاحب الكذب والزور=ارجع ورى .. هذي العباره كفايه
ارجع ورى حظك عثور ومكسور=من شين حظك عثرك في البدايه
ارجع ورى ما لك ممرات وعبور=للديره اللي تحت ظل الحمايه
تحمل نوايا الخبث وتلف وتدور=وتظن ما عندي بهذا درايه
مدحور يا راع الدعايات مدحور=تموت ما حققت بالخبث غايه
أقولها من فكر يستدرك الشور=تسديدة في قلب راعي الغوايه
((بنت الشمال)) محطمة كل مغرور=اعتز بالله ثم باصل وكنايه
بيت الشرف بيتي على العز معمور=في جال قوم يحكمون الولايه
افخر بطيب اصلي على كل منظور=اصلي شمالي له مسمى ورايه
ينساب حرف الشعر والفخر له دور=والشعر معني بالهدف والرمايه
هذي رساله تجعل الظن مثبور=وتمد للجاهل دروس وقرايه
يا جاهل اعقل وش يحدك على الجور=اعرف حدودك يا عديم الرعايه
صبرت وأعطيت الخطأ عذر ومرور=وعند القدا من حقي انهي الحكايه
انا من اصلي ما اتغير ولا ابور=غبر الزوابع ما تلوث سمايه
على التقى والطهر لي شأن وحضور=ادرك مسيري في طريق الهدايه

[بنت النور]

مشكور اختى الشاعرة بنت الشمال

[الاجهر]

صح السانك وعلا شانك قصيدة رائعة من روائع بنت الشمال وهل الشمال هم الاصل والنخوة والوفاءولا على بنى عبس اقصور

[ابو محمد العريض]

صح السانك الشاعرة بنت الشمال

[سراب]

صح لسانج أختي ويعطيج العافية

[ناصر خنيفر]

اقتباس من مشاركة بنت الشمـال ارجع ورى يا صاحب الكذب والزور=ارجع ورى .. هذي العباره كفايه ارجع ورى حظك عثور ومكسور=من شين حظك عثرك في البدايه ارجع ورى ما لك ممرات وعبور=للديره اللي تحت ظل الحمايه تحمل نوايا الخبث وتلف وتدور=وتظن ما عندي بهذا درايه مدحور يا راع الدعايات مدحور=تموت ما حققت بالخبث غايه أقولها من فكر يستدرك الشور=تسديدة في قلب راعي الغوايه ((بنت الشمال)) محطمة كل مغرور=اعتز بالله ثم باصل وكنايه بيت الشرف بيتي على العز معمور=في جال قوم يحكمون الولايه افخر بطيب اصلي على كل منظور=اصلي شمالي له مسمى ورايه ينساب حرف الشعر والفخر له دور=والشعر معني بالهدف والرمايه هذي رساله تجعل الظن مثبور=وتمد للجاهل دروس وقرايه يا جاهل اعقل وش يحدك على الجور=اعرف حدودك يا عديم الرعايه صبرت وأعطيت الخطأ عذر ومرور=وعند القدا من حقي انهي الحكايه انا من اصلي ما اتغير ولا ابور=غبر الزوابع ما تلوث سمايه على التقى والطهر لي شأن وحضور=ادرك مسيري في طريق الهدايه

صح السانك اختي وعلي الحرام انها قصيده وافيه ولو عندي الفراغ لجاريها وان مافيها البيت الضعيف تحياتي يابنت الشمال وخليكي متواجده معنا وحياكي الله

[عبد العزيز]

والنعم فيك أختي وصح لساااانك

قصيدة ساميه ومعاني جميله ورائعه

كل الشكر لك على هذه الابيات