[سيف عبس]

الكأس المحرم




أشرب من{الكأس المحرم}مايحلل للقصــــــــــيد
في صحتـه طقيت كأس بكأس وأدنيت البــطل
البارحة سبعة كؤوس براس هاجوس النشــــــــيد
الهاجــس بجو السكار وشـاعر الهاجس فـحل
وبعد إنتصاف السابع من الكوس حضرت المريد
ولفــيت له سيجـارة الكيف بورق شامي أصل
وثلاث كبتاجون ألماني من النوع الفـــــــــــــريد
مطعـــوم جـيش الرايخ الثالث لتركيز العــقل
مارد! وأخذ جوه بعد!! وأقول هل تطلب مــزيد؟
أهم شيء أبغى حصيلك من بحر ماهو ضحل!
هذا وأنا مالي بهن لامن قريب ولابعــــــــــــــــيد
لكن براسي نشوة مفعولها أقـوى أو مـــــــثل
أبي آصل لشيء بنفسي وأطرقه طرق الحـــــــديد
وأعدل المنعاج منها قبل ينعاج العـــــــــدل
أبرتب أشياء براسي حاسها الراس العنــــــــــــيد
تطارخ برأسي وأنا أنقاها ولا أرضى بالبــدل
يامسافر الكوفه..سلامي معك أمانه لايحـــــــــــيد
ياصل على وجهك لمن وادعته بقطع الوصـل
يامسافر الكوفه...ليا مريت زيد بن عبــــــــــــــيد
عطه السلام الوافي وقله يخفف للحــــــــــمل
قله ترى مامن عقل عقبه...ولاعلم جــــــــــــــويد
الصبر نافذ من زمن...والحال من فقده نــحل
لادمعة تشفي غليل...ألا دموع له تــــــــــــــــزيد
ولاونة تطفي غبن...ألا تزيد المنهـــــــــــــبل
ولانوم يفيد العيون...ولا بعد زاد يفـــــــــــــــــيد
العين ذابحها السهر...والنفس جزعها المـــلل
وقل هل لنا من لدنهم كرمآ بتحرير العبـــــــــيد؟
أو هل لنا منهم بعد طول التجافي من وصل؟
وقل مايخفف ماسبق...رسالة العلم الأكــــــــــــيد
فيها خبر عن حالته وتفسير ماصار وحــصل
وعطني منه رد الجواب..وعجل اليوم السعــــــيد
بشر لامن قبلت لي..وأفتح لك بقلبي مــــــحل
الله يشافي علة بالقلب..وأحزان تــــــــــــــــــزيد
والله يغيثك يالضمير الحي من عقب المـــحل
والله يعجل فرحة عيوني بشوفك يالفقــــــــــــــيد
وألا يعجل بالنهاية...والأماني تضمـــــــحل!!!



يوسف بن شلاح

الموضوع الأصلي: الكوفيات | | الكاتب: سيف عبس | | المصدر: شبكة بني عبس