[فواز الدواي]

السلام عليكم ورحمة الله وبركاته اقدم لكم هذه القصيده المعبره عن الشارع الكويتي




الفايـض امـن النفـط 20 مليـار
والشعب مسكين ابتلش كله ديـون
اقصاد سيـاره مـع شقـه اجـار
ومعاش خدامه على طول مركـون
والقرض ناشبلك كما نشب ميـدار
بالحنجره ناشب محـدد ومسنـون
فوايـد وقصـدن يخليـك محتـار
تصير لا صاحي ولا انته بمجنـون
فوايـد تحطمـك وتصيـر منهـار
قصدك محدد يرفعونـه ويقصـون
وتنقهـن دينـار دينـار ديـنـار
وان مادفعت تروح للسجن مسجون
صـار البلـد تجـار تجـار تجـار
بغلا سعر للسوق صـارو يبيعـون
صار الدبل سعر البضايع والاسعـار
والنـاس مطريـن لابـد يشـرون
قل للحكومه تبعد شـوي الانظـار
وفي حالة الشعب الموقر يشوفـون
يامساعدين الجار لحتاجكـم جـار
الاقربون اولى وانا اقـول تـدرون
حنا اهل هالـدار واولـى بالهـدار
وخير الكويت لغيرنا كيف وشلـون
هذي ارضنا من يوم صولات الامهار
يوم النشاما بالاصايـل يصولـون
ياكويت حنا اللي نسلمـج الاعمـار
لاجاج حاكم طاغين مثـل شـارون
ياكويت والله دمنـا بالغـزو فـار
يفور كنه جمرتـن فـوق غليـون
ياكويت حنا درع وستـار وستـار
سدن منيعن لج من اللي يحسـدون
حتى على ترابج من الطامـع نغـار
لجل الكويت الشعب لازم يغيـرون
ياكويـت حبـج ماتحـدده الافكـار
حبج كبير معـدي اللـي يضنـون
تحيتـي للـدرا ولسيـد الاحـرار
القائد اللي يقلب العسـر بالهـون
تحيتـي لميـر فـارس ومـغـوار
محنك وعقلـه بالافكـار مـوزون
شيخ البلد ساس البلد راسها البـار
صباح لامن قـال مافيـه مديـون
كل الدعاوي اكبارها صارت صغـار
لا وقع المرسـوم يصـدر بقانـون
هذا ابو ناصر كمـا البحـر لاثـار
يعجز اللـي بالسباحـه يغوصـون
تشهد له العالم من اصغـار وكبـار
بالشرق الاوسط له سياسات وفنون
ياجعل عمره من طويلين الاعمـار
في طاعة الله يجعله والـي الكـون
ويارب جابر مـع نبيـك والاخيـار
جعله بجنه خلد وانهـار وعيـون
ياجعل قبره يوسع امتـار وامتـار
الله يوسـع منزلـه وهـو مدفـون
وسعد عسى يشفيه علام الاسـرار
الخالق اللي يامـر الامـر ويكـون
ولي العهد نواف من روس الاخيار
قدره كم الجوهر من الشعب مكنون
الله يحفظ شيوخنـا سـر وجهـار
ويصلح بطانتهـم وهـم يتنقـون
برجال تبدي الشور لجـن الاشـوار
ايامنهم بالله مـن قبـل يحكـوون
يخشون رب الخلق والقبر والنـار
في رايهم من قبل للـراي يبـدون
لن الدول تحصد وتجنـي للاثمـار
وتتعب على الزراع لاجم يحصـدون
ترى الدول تنظر بمجهـر ومنظـار
بدقـه وخطـه خفيـه يعمـلـون
صناعـه ان ماكـان للنفـط ابـار
تـقـدم وبالتقنـيـه يستعيـنـون
بعض الدول صارت جميله بالاشجار
يستثمـرون ويشتـرون ويبيعـون
وحنا نبي الدينـار يربـط بـدولار
والنفط نكشت فيه لاصار مخـزون
الله يعاونـا علـى كـل مـاصـار
وللحمد للرحمـن وبليـس ملعـون

الموضوع الأصلي: (الفايض امن النفط 20 مليار) | | الكاتب: فواز الدواي | | المصدر: شبكة بني عبس

[رويبح رباح العويمري]

فوازالدواي مشكورعلى القصيده الرائعه وبيض الله وجهك

[يحيى العويمري]

فواز وش دخلنا بالكويت ياخوي انا داخل خايف على بالي جبت العيد خخخخخخخخخ
(( مايقصد شيئ ))

الموووهم شكراً على النقل

[فواز الدواي]

ولد ابوه وجهك

ابيض

تسلم على المرور

[رشيدي وكلي فخر]

يا عزاه 20.000.000.000 مليار

واقساط الكويت كلها 2 مليار تقريبا

تسلم على القصيده الطيبه

[فواز الدواي]

اشكركم

جميع على المرور صحت ابدانكم جميع

واطلب من المشرفين نقل القصيده الي شبكة شعراء عبس

23232

[صاطي الرشيدي]

فواز صح للسانك قصيدة جزلة

[فهد المويسه]

صح لسانك يا الدواي

وتقبل سلامي