[سعد الشقل]

وضاح اليمن

اشوف موج البحر يصفق على الجالي=وخـاف اطبـه وياخذنـي بغبـاتـه
لكـن عزمناوقـدمـت الله العـالـي=وخاطرت اطبـه بحسناتـه وسياتـه

بحر الخليج

اشوف وضاح غامر وارخص الحالي=طب لبحر والبحر زافـات موجاتـه
وابو يمن مايجي ويـروح بالخالـي=يبا الدرر والدرر في وسط مخباتـه

وضاح اليمن

غامرت سبت علومن كدرت بالي=من صاحبن ماعرفنا ويش نياته
هوليه علقتني يـاذرب الافعالـي=رجل ٍ ماعرفه ولاني من قراباته

بحر الخليج

انا ادري انك بعدها مانته بسالي=وبعيونك الشر باينتن علاماتـه
ياراعي الاوله ياطيب الفالـي=ياما وياما علي كثرت دعاياتـه

وضاح اليمن

اما تعذر وعزل المر والحالـي=ولا ترى الحرب قايمتن قياماته
انا يماني عريب الجد والخالي=ماعرف ماقلتي غير امقالاتـه

بحر الخليج

مانعتذر عن كـلام الحـق يالغالـي=هذا كـلام(ن) مثبـت فـي ملفاتـه
ابو يمن تجرتـه بالقـات والشالـي=والا انت برج الكويت تشوف لنباته

وضاح اليمن

الخيل قرح وانا فارس وخيالي=مادام مازحت عن دربي مطباته
الظلم نزل هله من مرقبن عالي=باكر على وجهك تبين ظلاماته

بحر الخليج

تبي تجادل وعلمي مابه اجدالي=انشـد هـل الـدار وتميـز دلالاتــه
والظلم ماهو بلا عمي ولاخالـي=ياللـي يدافـع ولاشفنـا شهاداتـه

وضاح اليمن

نبغـا نحـول وحــول ضـمـن محـوالـي=قــدام موضعـنـا تـكـمـل مسـافـاتـه
علـى بناتـن بنـجـد اشغـلـت جـوالـي=اطرب النفس وتبعها امشهاته

بحر الخليج

سريت واللي على بالك علـى بالـي=والوضـع مستـور لـو كـثـرت حكايـاتـه
وماذكر بسهال نجد الا اشهب اللالي=هاتـفـك ياصـاحـبـي لاتـطـيـع دقـاتــه

وضاح اليمن

الـعـب عـلـى روسـهـم بقـفـاي وقـبـالـي=وخـويـي البـحـر بيـضـن كـــل رايـاتــه
ماذكـر فـي نـجـد كــود البـشـت وعقـالـي=وفقرن صفقني وهربني بصفقاته

بحر الخليج

يــابـــو يــمـــن مـايـعـســرك كـــــل مــوالـــي=والــقــاف ماتـبـتـلـش فـــــي وزنـــــة ابـيــاتــه
وتــمــت ومــابــه ضــيــاع بــــروس الامــوالــي=كل(ن) مجود حسب عرفي حساباته

الموضوع الأصلي: وضاح اليمن × بحر الخليج | | الكاتب: سعد الشقل | | المصدر: شبكة بني عبس

[وضاح اليمن]

شكرا سعد الشقل على تنسيق المحاوره وبيض الله وجهك عزالله انك وافي اخوك ابو يمن يكرر الشكرلك

[بحــ الخليج ــر]

سعد الشقل المشرف المميز دائما الله لايحرمنا من تواجدك ومتابعتك وتنسيقك للمحاورات الجيده وهذا دليل على ذوقك الشعري الراقي شكرا لك

[سعد الفلاح]

شكرا لك ياسمي على هذا التنسيق الأكثر من رائع

وصح اللسنت الشاعر

[رياح الشرق]

صح لسانهم وبيض الله وجهك على النقل