[الوافي ابوصالح]

السلام عليكم
بناء على طلب اخوي ابو فايزحبيت اطرح هذا اللغز رغبة مني في المشاركه
في هذا المنتدي الطيب ارجو ان ينال رضاكم وان تعذروني في التقصير


ويش لرجل لا طلبته من حلا له
غير مره مايفيدك لونخيته
سمعته مشهور لاجابو مجاله
وان بغى يشكيك يفلج ماقويته


((اللغز منقول))

الموضوع الأصلي: اللغزالاول | | الكاتب: الوافي ابوصالح | | المصدر: شبكة بني عبس

[أبو فايز العويمري]

الاخ الوافي اسعد الله مساك بالخير واشكرك على مشاركتك أخونك بطرح هاللغز الرائع على منتدى قبيلة بني رشيد واشكرك جزيل الشكر للاستجابه وتلبية الطلب ولافيك قصور واللغز وافي وأنت وافي يالوافي أبوصالح وننتظر رمعات الشباب حول اللغز وانا على بالي رمعه ولكن نسمع رمعات الاخوان وفق الله الجميع لما يحبه ويرضاه والسلام عليكم

[الوافي ابوصالح]

السلام عليكم
اخوي ابو فايز شاكر ومقدر مرورك وتشجيعك والله يحفظ الجميع

[عبيد الله دعيع]

أبو صالح الوافي مشكور على هالغز الجميل والصعب جاااااااااااري التفكييييييير

[أبو فايز العويمري]

الاخ الوافي ابو صالح وش رايك بالبنك العقاري والقرض

[الوافي ابوصالح]

السلام عليكم
اخوي ابو فايز صح لسانك هو البنك العقاري

[عبيد الله دعيع]

صح لسانك يالوافي أبوصالح وبيض الله وجه أبو فايز على الحل الموفق

[أبو فايز العويمري]

اقتباس من مشاركة الوافي ابوصالح السلام عليكم اخوي ابو فايز صح لسانك هو البنك العقاري

اشكرك أخوي الوافي ابوصالح على هاللغز المليان والوافي وآمل ان لاتحرمنا من كل ماهو جديد والرمعه الحقيقه رمعه من غير رامي والحقيقه انني احتفظت باللغز وتقبل تحياتي وتقديري