[القلزم]

	بسم الله الرحمن الرحيم أيها الأخوة الأعزاء السلام عليكم ورحمة الله وبركاته وكل عام وأنتم بخير وبعد يسرني أن أقدم لكم هذه القصيدة وهي مجاراة لقصيدة المعزب التي عنوانها (( راع الحشاوى)) أرجو أن تكون على قدر ذائقتكم وأن تنال إعجابكم هذه العصماء قصيدة المعزب يالعين لدي وانضري للمراقيب *** شوفي خرايمها خليّاً تهاوى تفجا القلوب مقفلات الدواليب***الي على صكات بقعاء تقاوى دار الصباء قدام لايضهر الشيب***واتفرق العربان بعض الفتاوى دارأ علاج اهل القلوب المعاطيب***من دون شوف اجبالها ماتشاوى صارت علينا مثل حب الرعابيب***لفحة هواها مع هواهن تساوى فيها رعينا الذود حرش العراقيب***واحيان مع راع الفريق انتخاوى اهل البيوت مكثرين التراحيب***مقدمة للضيف هبر العداوى ناساً بطيب قلوبها تملك الطيب***لاجاهم القلب العليل ايتداوى حيّاً عليهم تطلع الشمس وتغيب***ماوى لمن ضاقت به السبل ماوى من عقب راحو ماتشوف المعازيب***كم ليلتاً فيها رقدنا مقاوى على مراح ضعونهم يقنب الذيب***وانا ضلوعي مع قنيبه تعاوى عليهم عروق الضماير محاطيب***والله مالوم العود راع (الحشاوى) وهذه مجاراتي المتواضعة يا صاحبي يا مسندي ولّم الجيب***اللي خطوطه تقل رقطٍ تلاوى جيبٍ يقد البيد هي واللحاطيب***لا مستحٍ منها ولاهو بياوى ثم ازهم الريس بعيد المحاضيب***يا عنك ما هو لا نوى شيء راوى من دون قاصر في جميع الأصاحيب***كلٍ كسب جزل الثنا بالمخاوى نبي نطيّب خاطر العود تطييب***وناخذ معه في ديرته قبل شاوى صبح الثلاثاء للفنيدة مراقيب***وضحيّ كان الله قسم بالحشاوى لو هي خليٍّ موحشة تشلع الجيب***ماغير بأجواها تحوم النداوى فيها نسج وما تحوش المكاتيب***أما حباري صيد والا بزاوى والا على ما قال راع الهناديب***كم ليلةٍ فيها رقدنا مقاوى ليت المعزب جنب الجرح تجنيب***ما نقضه لا واحلالاه لاوا مدهال حسكات الوبر شمّخ النيب***فيها بتال الوقت قامت تثاوى كف المطر وأيبس لظاها اللواهيب***حتى ظلول الدوح عنها تخاوى عسى مراويح المزون النواصيب***تعلها لين أوديتها تعاوى القلزم

الموضوع الأصلي: مجاراة قصيدة (( راع الحشاوى )) | | الكاتب: القلزم | | المصدر: شبكة بني عبس

[ابن شلال]

القلزم صح لسان المعزب ولسانك ,,,قصائد جزله من شعراء جزلين والله يرزق جميع الاوطان عز الله وفقت بالوصف وعساك موفق برحلتك على الجيب بس لاتقضون على الصيد ههههه
تستاهل الختم تقبل مروري

[ابوصالح لرشيدي]

صح السانك يالقلزم والسان المعزب قصايد في قمة الروووعة من شعرا عمالقه .. تحياتي لكم ...

[عبدالله المظهور]

عسى مراويح المزون النواصيب***تعلها لين أوديتها تعاوى

بيت ختامي راااائع .. فعلاً الارض محتاجه لدعاء الله سبحانه ان يرزقها الغيث .

القلزم
صدقني .. انك مااااااااااااااااااااقصرت .. والمعزب يستاهل من يجاريه !!!


وفقك الله


وصح لسانك ملااااااااااايين


تقبل تحياتي وتقديري واحترامي

[عويض بن شامان بن خلف]

صح لسانك
مجاره جزله

[المعزب]

الله الله عليك يالقلزم

من يعرف اللحاطيب وحزم الفنيده يامجرم هههههه

صح الله السانك على المجاراه الرائعه

تحياتي الك

[محمد بن صبح]

ياسلام


صوت و صدى من شعراء عمالقة


صحت ألسنتكم على هذا الإبداع

وننتظر جديدكم

[ولد حايل]

ابدعتم في كل شي
بالتوفيق