[محمد بن صبح]

العين تبكي حرً أشقر قطامي=نايف ولي العهد حلال الأصعاب
حرً ربا بالعز للدار حامي=حرً مواكيره علت كل مرقاب
حماي دين الله من كل رامي=حكم بشرع الله و أباد الإرهاب
جاني خبر موته عساه الرحامي=والدمع هل من محجر العين سكاب
يالعين هلي والله إن ما تلامي=هذا فقيد أمه يحسب له حساب
تشهد مواقيفه بشرقً و شامي=من شأن دينه و الوطن ذاق الأتعاب
نايف زبون اللي له الوقت ضامي=سعد المنادين فكاك الأنشاب
يالله عسا قبره لوبل الغمامي=وترحمه يارحمن في يوم الحساب

محمد بن مرزوق بن صبح العجرمي

.

الموضوع الأصلي: تشهد مواقيفه بشرقً و شامي=من شأن دينه و الوطن ذاق الأتعاب | | الكاتب: محمد بن صبح | | المصدر: شبكة بني عبس

[ابن شلال]

الله يرحمه ويرحم اموات المسلمين
صح لسانك يابن صبح

[محمد بن صبح]

الله يرحمه إن شاء الله و يسكنه فسيح جنانه


أخي ابن شلاش

صح بدنك


ولك جزيل الشكر على مرورك الذي أسعدني

[شيختهم]

الله يرحمه
صح السانك يالشاعر

[الوعد]

صح السانك- ابيات رائعه

[شاعر الصعاليك]

صح لسانك يا ابن صبح ، والله يرحمه وجميع اموات
المسلمين

[النقيشى]

صح الله السان الشاعر والله يرحم جميع اموات المسلمين

[الحر النداوي]

محمد بن صبح

صح لسانك

قصيدة جزله في شخص نسأل الله له الرحمه والمغفره

لاهنت يابن صبح