[محمد العبسي]

مساعد الرشيدي شاعر بكل ماتحمله هذه الكلمه من معنى,فقد استطاع ان يضع نفسه شاعراً متميزاً ونجماً
يتلألأ في سماء الشعر الشعبي,وانا وبكل فخر اقدم لكم وعبر هاذا المنتدى الغالي هذا الشاعر لعلي اكون قد ساهمت في اثراء المنتدى وبالقدر الذي يوازي اهمية هذا الشاعر المتميز.





س1/ بداية ماذا تود ان تقول لأعضاء ومشرفي منتديات بني رشيد؟

سلام مني عد مايدمــح الشـــوف = بعيـون خل شـاف ميله خلــيـله
او عـد من عدا على راس مشعوف = شاعر وقام الريح يطرق شلـيلــه
او عـد ماتضحـك هـنوف لنـفــنوف = ماتـن عـليـه منقـضات الجــديلــه

س2/ من الذي يفتخر بالأخر مساعد الرشيدي ام القصيده؟

القصايد مانساوم عليها بالفلوس = تفتخر فينا القصايد قبل نفخر بها

س3 /افتقدت ساحات الشعر الشعبي في الأونه الأخيره مساعد الرشيدي فما السبب؟

تعبت من الجروح من القصيد من انتظار طال =تعبت استقبل طعون الزمن واربت على كتفـــه
تعبت من الكلام من السـكـوت اللـي يهد الحال = تعبت اكثر من الحزن الـذي مايـنتهي عـزفـه

س4/ الشعر لم يعد ديوان العرب بل اصبح الأن موضه واحياناً,برستيج,واحياناً اخرى شراءً لابد منه كيف
ترى هذه الحقيقه المـــره؟

انا الشعر عندي مثل الانسان كاين حي = رفيق وله حق اولف في مواثيقـه
رفـيـق لـيا لــدت عــيـون الشـدايـد بـي = شلع كنه اللي نازع عن شواهيقه

س5/هناك من يرى بأن قصائد مساعد الرشيدي لاتستحق الثناء فهل تؤيده على ذلك ؟

شعري شهد له طيبين المجاذيب = وش عاد لو سود النوايا حكوا بـــــي
لو كان مالي غيرها من مكاسيب = ماأبغى شهادة ميتين الـقـلـوبــــي

س6/ ديوانك وضعت له عنوان استخلصته من بيت لقصيده شهيره لك فما هو؟

ماقلت لك عمر سيف العشق مايقتلك = ماتشوفني حي قدامك وانا اموت فيك

س7/ نحن معشر الشعراء نعبر عن حبنا بالقصيده فماذا قلت في ذلك؟

احبك لو يموت الحب وتصير القلوب قبور = اشوف الجرح يكبر وانت تكبر وسط تفكيري
احبك من هنا حتى طلوع الفجر حتى النور = صحيح انك قـدر محتوم بس اجـمل مقاديـري
احد ربي يحطك له حبيب وما يجـيه غرور = انا ليه التـفـت للـناس وعـيونـك جـمـاهـــيري

س8/ بصراحه هل انت راضي عن جميع قصائدك؟

ياقصيدي كان للأشعار سادات وعبيد = والله انك من بحور عريب جدها

س9/ ثقتك في نفسك كبيره الا تعتقد ان هاذا سيفسر على انه غرور منك؟

اقولها وابصم على القول تبصيم = والعلم بين زايفه من صحيحه

س10/ هل نعتبر هاذا تحدياً منك او تجاهلاً للشعراء الأخرين؟

ماهو قصور بالحرار الصماصيم = كل بدرب العز قد هب ريحه

س11/ماتأثير بيئتك في حالتك الابداعيه؟

سهى قلبي معاك وفاحت الدله ولا قهواك = على صالي حشاي اركي لك الدله ولافاقي

س12/ماهي الرساله التي تسعى الى ايصالها الى محبوبتك؟

ياملحك في حشاي وبالعيون وبارتجاف شفاي = وانا قلبي تخونه هيبة الجيه وطاريها
انـا ســيــد هـواك وقـلـت مــره للهـدب مولاي = دريت اني رهينك ياعيـون عز واليها
وطن عمري عيونك ديرتي ربعي هلي منفـأي = حلال ان غربتني ضحكةٍ مانيب ناسيها

س13/ فـــقـــــط؟!

دريت انك حبيبي قبل اموتك واعشقك واهواك = وصرت اول طريقي واخر احبابي وعشاقي

س14/ ومــاذا أيـــــضــــاً؟

ي

اصاحبي عطشان عطشان لك حيل = مظمي وهمال السهر ماقويته
الدرب ميت والخطـاوي مــقـاتيــــل = وان لاح طيفك مت فيه وحييته

س15/ هل هاذا ماتريد ايصاله عبر منتديات بني رشيد؟

قولي لهم ياعزوتي ماعابنا موت النخـيل = اللي يوافيها الأجل وتموت لاكن واقفه
اخر عباراتي وداع اخر مشاويري رحيل = جيتك وكبدي ناشفه واقفيت كبدي ناشفه

س16/ رساله توجهها لمن يهاجم الشعراء ويحط من قدرهم؟

الـ

بنـادم لاتعـافى علـى كــفــه يـــبـــوس =وش يبي بااعراض الاجواد يوم يسبها
لايحسب ان المراجــل تجـــي درباي روس= ينتبه من جـمـــرة الـنار لايلعــب بهــا

س17/ رساله توجهها الى شخص عزيز على نفسك فقدته لظرف ما؟

ياشيخ عقبك كن مااحدٍ هنيا = وانا ورب البيت كني لحالي
اللي رفع قدرك مكان الثريا = انك قبل غالي وهالحين غالي

س18/ الاخفاقات في هاذه الحياة ماهي بالنسبه لمساعد الرشيدي؟

انا اعتبرها كبوة حصان ويقوم = وانت اعتبرها زي ماتعتبرها

س19/ قطار العمر يسير فماذا استفدت منه؟

التجارب علمتنا وصمينا الدروس = نعرف النفس المريضه ونعرف طبها

س20/ ماهو البيت القريب الى نفسك؟

من خلقنا الله وحنا عزيزين النفوس = مانوطي شمخ الروس غير لربها

س21/ واخر تفتخر به وتردده؟

ينجرح قلب لاكن ترتفع هامه =والله اني لأموت وماانحنى راسي

س22/ ماهي اجمل كلمه سمعتها؟

سمعت احلى احبك في حياتي كلها بشفاك = اثر بعض الشفايف همسها غيمه وبراقي

س23/ حكمه ترددها؟

من شرب من كف غيره ماروى = لعنبو كف على المده قصير

س24/ ماذا تود ان تقول لضيوف هذا المشاركه؟

هلا والا هلا قد قلتها قبلك لذاك وذاك = ابدور كلام ماسمعته وانثر اشواقي

س25/ قبل الختام بطاقة شكر وعرفان لمن تقدمها؟

يابوي لايلحقك شك ولا ريــــــب = انقض هجوسك وارفع الراس عالي
انا شبابك لاغزا راسك الشيـــــب = وانا عضــيدك لــو تجــور اللــيالي
ان عاش راسي ياعزيز المجاذيب = لشــيل حمـلـك لو يفـوق احتمـالـي

س26/ في الختام نريد ان تتحف منتديات بني رشيد باخر ماكتبت؟

انا لي عن جداد الفرايد شهر وشوي = نشف دم قلبي والقلم ناشف ريقه

س27/ واخيرآ ماذا تقول لكل من قرأ هذا اللقاء؟

لك مقام ولك سلام ولك تحيه=عد ماعدو عن جدودك فعايل
وعد ماطاب الرشيدي في خويه=وعد ماسال القهد وروى الثمايل

منقول وصاحب الموضوع بندر بن محمد(بندر الشوق)

وتقبلوا تحياتي

محمد العبسي

الموضوع الأصلي: لقاء.............. مع شاعرنا الزعيم | | الكاتب: محمد العبسي | | المصدر: شبكة بني عبس

[مسندالعويمري]

لك مقام ولك سلام ولك تحيـهعد ماعدو عن جدودك فعايـل
وعد ماطاب الرشيدي في خويهوعد ماسال القهد وروى الثمايل


مقابله مع زعيم الشعر مساعد الرشيدي لها نوع خاص

لاهنت على النقل

[عبدالعزيز الخياري]

مشكور يامحمد الله يعطيك العافيك

[سعد بن عادي]

أخوي محمد بارك الله فيك

نقل مميز لزعيم أبو فيصل

يستحق :p اي والله


ومساعد الرشيدي مهما قلنا عنه فلن نوافيه حقه

دمتم كما تحبون

[النجم]

اقسم بالله انها مقابله رااااااااائه لله درك على النقل والشكر موصول للكاتب

[ابوعالي الرشيدي]

اخوي محمد يعطيك الف عافيه


لاهنت على المواضيع المميز ودايماً متأتئلق بمواضيعك


مشكور والف اشكر على نقلك المميز تقبل مروري المتواضع

[الوافي]

محمد اشكرك على لقاء الجميل الشاعر الكبير مساعد القاء جميل بطبعه

[الاجهر]

مشكور على النقل
تحياتي