[سنام عبس]

السلام عليكم ورحمة الله وبركاته

مساكم شعر

يقول


[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صدفه وانا داخلٍ سوق المهلب شفت غرنوق=عليه عينٍ هدبها يشهد الخالق مصيبه
ماكنه بطين مخلقٍ ولا يشبه مخلوق=ماشفت مثله فى كل الناس ياربي حسيبه
وقف وناظر عيوني نظرةِ من تحت لا فوق=وقلت انت ويش انت تنظر لي بنظراتِ غريبه
قال انت تمشي وراي الظاهر انك تبي تبوق=نيتك ماهي سليمه صايبك شكِ وريبه
قلت لهَ انا ماذبحني غير زينك ياكحل الموق=ويش انت مرجعك قلي قال انا أرجع من.....
الي تجير الدخيل اليا زبنها وتحمي النوق=نظراتها للبعيده مانتاظر للقريبه
قلت لهَ والنعم فيكم وانتم اهل الطيب والذوق=ذبحة الحيل والناموس والعز تحظيبه
قال انت ويش انت قلي قلت انا من عبس ياشوق=العزوه اللي توقف للبسيطه والصعيبه
قال انتم اهلى الوفى والنعم فيكم غرب وشروق=قومِ ماتخشى العواقب بالرضى ولا الغصيبه
وقطيت رقمي عليه وراح شال الرقم برفوق=من بعداها كل واحد مننا قسمه رضيبه
[/poem]

الموضوع الأصلي: سوق المهلب | | الكاتب: سنام عبس | | المصدر: شبكة بني عبس

[عبداللطيف العايضي]

ههههههههههههههههههههههههههههه

أبك أنت وش وداك للمهلب طحت بها الحايل وحطيتها قافيه ههههههه

صح للسانك يا سنام ولا هنت على هالقصيدة الجزله

تقبل مروري

[سنام عبس]

ههههههههههههههههههههههههههههههههههههههههههه

الصدفه والله ودتني وياليتني مارحت

حياك الله ومرورك شرف وعلى راسي

لاهنت

[كاتب الرشيدي]

صح لسانك ياسنام عبس

لكن القصيدة أكيد قديمه شوي قبل وقت البلاتوووووووث ههههههههه

[عايد2001]

صح السانك وعتلا شانك