[النمر1012]

الناس تركض تشتري لبس للعيد
وانا مكاني ماتجهزت في شي
حزني اشتغل بي وارتقى فوق للجيد
ميت بعمق الذات وان شفتني حي
اعد لاعداد السفر جهد وازيد
قبل السما في قبضته تنطوي طي
تعبت من دار الفنا ياهل البيد
مانلت غير الجمر من سبة الغي
بكيت وابكيت القلوب الملاهيد
وغرقت في بحرن من الدمع مسقي
من شافني قال انت مرتاح وسعيد
واللي بقلبي اشد من لسعة الكي
اصبر وامني النفس بالصبر تجديد
والنفس ملت من امل فاقد الضي
وين الفرح ياعيد قلي بتحديد
طال انتظاري تحت شمسن بلا في
ياعيد لوتدري عن النفس ياعيد
واستني عطفن على عطف مجزي
اضحك واسولف نبرة الصوت تنهيد
وامزح مع المزاح والهم مخفي
والعالم الله خالق الكون والغيد
فيماحصل واللي علّي مقبلن جي
الشكل مايوحي ولو فيك تعديد
والناس بالظاهر ولاتعتلم شي
وش حاجتي للفرح والعمر تنكيد
مال للفرح من رغبة النفس ياخي
الشاعره الملتاعة

الموضوع الأصلي: اضحك واسولف نبرة الصوت تنهيد وامزح مع المزاح والهم مخفي | | الكاتب: النمر1012 | | المصدر: شبكة بني عبس

[مداروفلك]

صح لسان الشاعره

ويعطيك العافيه

اختيار رائع

[النمر1012]

صح بدنك والله يسلمكم ومشكور على المرور والروع واجمل مرورك مدار فلك

[عايض حماد بن عريجه]

تسلم على القصيدة الرائعة

[النمر1012]

الله يسلمك وعافيك ومشكور على المرور

[سحايب]

صح الســان الشاعر
وسلمت يمناك على هالانتقاء

[النمر1012]

صح بدنكم والله يسلمكم وهذا من ذوقكم دمعه ومشكورين على المرور