[روحي تحبكـ]

بسم الله الرحمن الرحيم

السلام عليكم ورحمه الله وبركاته كان <<كاتب القصيده>> له علاقه مع بنت وكانت
عنده شي عادي يعني كان يوسع صدره عليها
زي اغلب الشباب الحين بس يوم عن يوم صار يتعلق فيها اكثر ...
المهم ابو الشباب حبها وصار اذا مر يوم ماكلمته ينجن
البنت طفشت وقالت لازم احط حد لعلافتنا مو معقوله نستمر
يعني مهما طول الموضوع اكيد رح ينهتي...
وطلبت منه انه يخطبها وهو بسرررررعه وافق
وكان صادق بس كان يمر بظروف فقال انه رح يخطبها بعد مايرتب اموره...
بس للأسف فيه غيره سبقه وتقدم للبنت وكانت مواصفاته حلوه ابوها
واخوانها وافقوا بس باقي موفقة البنت..
خافت انها اذا رفضته يشكون اخوانها وهي اساسا
ما كانت مصدقه انه رح يتقدم لهافوافقت عليه
مشت الامور وحددوا يوم الزواج والبنت كانت مرتاحه معاه...
اخونا الشاعر لما عرف السالفه ما سكت كتب القصيده
وراح بليلة زواج حبيبته وسلم على العريس وباركله والقى القصيده عليه...القصيده


ابد ماجيت اباركلك ولكن جيت ابا وصيك.....
على اللي ناوي تدخل بها الليله معذبــــــــــــــــــــتي
ترى لولا الظروف اللي عطتك وحدت محاكيك..........
قسم بالله ماتدخل عليها لو على رقبــــــــــــــــــــــتي
ولكن النصيب اقوى ولا ادري ويش اسوي فيك........
نعم صارت معزبتك ولا صارت معزبــــــــــــــــــــــــتي
كذا شاءت بنا الاقدار تحرمني لجل تعطيك........
كذا لا زم عشان تفوز انت اخسر بتجربـــــــــــــــــتي
تراها غاليه جدا وتكفى والله يخليك........
تدللها تدلعها تنسيها مصاحبـــــــــــــــــــــــــــــــتي
انا من كثر مغليها احس اني بديت اغليك.......
ولا تسأل باية حق ولا وش مناسبــــــــــــــــــــــتي
لأنك لو بتسالني بتسمع شي مايرضيك........
لذا ياخوي لا تسأل ولا تسمع لاجوبـــــــــــــــــــتي
ابيك تحطها في داخل عيونك وبين ايديك........
وهي دلوعه اعتادت على كثرة مداعبــــــــــــــــــتي
تداعبها شوي شوي حتى تشتهي طاريك..........
وشاغبها الين تقولك بطل مشاغبـــــــــــــــــــــــتي
واذا هي مالها خلقك ولا تضحك ولا تسليك........
تحملها وسألها ياعمري ليه عصبـــــــــــــــــــــــتي
فبالك اسمع انك بيوم تضربها وهي تشكيك........
ما يحتاج اوريلك بفن الضرب موهبــــــــــــــــــــــتي
صحيح انك بتملكها ومعاك الصك بالتمليك.........
وانا عارف حدود الله ومن حقك معاقبــــــــــــــــــتي
ولكن قلها المجنون وصاني وهو يعنيك.......
يقول انه بينتظرك ولو شيب وشيبــــــــــــــــــــــتي
وانا مجنونها اللي مانساها وانت مايمديك........
تغطي ذكرياتي في هواها وربع تجربـــــــــــــــتي
احس اني تماديت بكلامي والغضب حاديك........
ولو انك في مكاني ما تفكر في محاسبــــــــــــــتي
كفاك اني تركت الليله اشغالي عشان اجيك........
دخلت القاعه برجلي ولا ويش عاقبــــــــــــــــــــتي
وانا ما جيت اخرب عرسك الليله ولا اذيك........
انا جيت ابخاطبك واسمع مخاطبـــــــــــــــــــــــتي
توصى وانتبه واحرص عليها والله يهنيك.......
ترى كل الكلام اللي طلع من ضيقي وكبــــــــــتي
ولكن ما قدرت اني اقوله وانت مايخفيك........
اخاف اني اذا قلته تقوم وتقطع رقبــــــــــــــــــــتي

والمقطع

الموضوع الأصلي: قسسم بالله ماتدخل عليها لو على رقبتي .. | | الكاتب: روحي تحبكـ | | المصدر: شبكة بني عبس

[احمد منيف]

مشكور ونزلتها بقسم الصوتيات نفس الموضوع

[سـلطآن]

مـني لـه
بوســـــــه على خشششمـه

ان اشهد انـه ضحـى (: بسسس بغى يضحــى بوهـ

بصراحـه قصه وقصيـدهـ تستآهل والله وصح اللسآنـه

هآذآ الحب اللي يسسسستآهل التضحيـه بسسس خسسسارهـ فات الفوت ):

شكرا لك على الطرح

[فرناس]

مشكور

بس والله جري زياده عن اللزم كيف القاء القصيده والا مفحط هالك اليوم

[بندر الشويلع]

الله الله عليك
اخوي روحي تحبكـ ع النقل المميز
ولاهنتــ

[روحي تحبكـ]

الله يعافيكُم عالمرور العـ طر
وتقبلو خآآلص .تحياتي

[دانه]

مشكور علي هالموضوع

اي والله جرائه زايده زين الي ماطارت رقبته

ونادر وجود الي يضحي بهالدنيا

[روحي تحبكـ]

يسلموو أخــتي دانه
عمرووووركـ العــ طر
وتقبلي كُل تحياتي