[مرزوق العجوني]

كلي حلالك ايه كلي حلى لك
من نبض قلبي لارتعاشة يديني



من ايمن حدود الغرام لشمالك
من ايسر حدود البياض ليميني



خليني احيا واهتني من خلالك
قلبي يعيش بداخلك ما يبيني



يا معطيتني من جمالك جمالك
يا ماخذتني من بقايا حنيني



اعشق سكونك / بسمتك / إنفعالك
ضحكك / زعلك / غوايتك / صدقيني



اني احـــبك في رضاك ووصالك
واني احـــبك في زعلك وأنيني



وانك سكنتي وسط قلبي لحالك
وانك لحالك وسط قلبي وعيني



أغار من لبسك/ سريرك / ظلالك
ومن كل شي يكون بينك وبيني



لو تتركيني بس امر بخيالك
واخلي سنينك تعانق سنيني



يا روح قلبي كل قلبي حلالك
خليني بقلبك هنا واتركيني

الموضوع الأصلي: كلي حلالك... | | الكاتب: مرزوق العجوني | | المصدر: شبكة بني عبس

[عبدالله معزي]

مرزوق العجوني
دائما مبدع
قصيده جميله
في غاية الروعة والجمال
صح لسانك ولاتحرمنا من جديدك

[دانه]

صــــــــــــــــــــــــــــــــــــــــح السانك يالعجوني