السلام عليكم ورحمة الله وبركاته
أخواني الكرام .. هذي قصيده قديمه جداً
كتبتها لما كان عمري 15 او 16 .. أتمني تعجبكم . لـكم التقدير .!
ذكري قديمه هزت القلب ياسعود=وبانت علي وجهي ملامح حزينه
تدري وش الي جابها دقت العود=يومك تغني اه واشيب عينه
راحت وانا مدري عساها لي تعود=الي بوسط القلب مبطي حنينه
امن اولن تعطيني حلوف ووعود=ويني وانا ياسعود هالحين وينه
شفني اناظر بـسما برق ورعود=كني اناظر قصرنا الي بنينه
كني اشوف الناس تنزل وانا صعود=مير البلا لاصار عكسه مشينه
اذكر هدايا كلبوها دهن عود=واذكر سوالف ناس فيهم حكينه
ساعه بها جتني هواجيس بوعود=هليت من عيني مشاعر حزينه
ذكري قديمه هزت القلب ياسعود=فيها كشفت اخر سوالف حدينه
اخوكم
عبدالله مطارد البصمان