السلام عليكمم ورحمة الله وبركاته
أخوتي الكرام
أسعد الله أوقاتكم بالخير واليمن والمسرات
أقدم لكم
هذ الأبيات
التي
لم تكتمل بعد
وأغلبها أو جُلها
كانت
وليدة لمواقفٍ
قد مرت علي
أطرحُها
ها هُنا
للتوثيق والتواصل
ويعلم
الله وحده
أنها
قليلٍ من كثير
لا أحب الأطالة كعادتي
اليكم ماكتبت
[poem="font="traditional arabic,6,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياقلب ياللي .. داسك الهم والغم = ياقلب لاتشكي زمانٍ مضالك
كفكف دموعك وأرفع الرأس وأعلم = ماكل وجهٍ لاضحكلك صفالك
مبطي تجرعت المرأره مع السم = وأخفيت همٍ بالحنايا بدالك[/poem]
[poem="font="traditional arabic,6,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماعادلك .. شفٍ ولاعادلي شف = يعني انتفارق .. والنوايا مطيه
رَوّح وخف الرجل .. ياصاحبي خف = لاصرت بأعياني .. مُجَرد خّطيه[/poem]
[poem="font="traditional arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياقلب .. لاتجزع من هروج مقرود = نذل{ن} يدور بالخفا زلة{ن} لي
ماجيت أدور .. عنده النقص والزود = من قبل عرفه .. عارفنه محلي
[/poem]
[poem="font="traditional arabic,6,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الا ياصاح .. مع ليـل المـفـارق= عطاك القلب .. هالجمله المفيـده
إذا ما الليل .. أرخالك سدولـه= فلا تعجب .. من الظُلمه الشديده
وغرهد واصطفق .. لاحل وقتٍ= يشوش الذيب .. عن لحم الطريده
[/poem]
[poem="font="traditional arabic,6,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بهذلبي افراقه .. وعفته وصديت= واللي سواتي .. لاتقاصى تعفف
عز الله اني .. مارجيته وحنيت= ساعة نظرته .. بالملاقا تأفـف [/poem]
[poem="font="traditional arabic,6,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياصاحبٍ ... منك الحنايا معاطيش= متى تجيني.. وارتوي من حلو مـاك
عقبك تراني .. مثل طيراً بلا ريـش=مليت أسامر ... واتوجد لفرقـاك
وشوله الهجران .. قلي على ويـش= جاوب كلام .. الي من الوجد ناداك
مدري غصب .. والا لعانه وتطنيش = والا على غير الهوى .. طاب ممشاك [/poem]
[poem="font="traditional arabic,6,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ناسٍ تعيش .. الوقت رهبه وتشكيك = وناسٍ تشوف .. الهم يطـرد وراهـا
وناسٍ تشوف الدرب .. شده وتفكيك= وناسٍ تذم .. أصحابهـا و اقصراهـا
وناسٍ ترجى .. جنـةٍ بين أياديك= ياواحـدن .. قـادر تعـلا سماهـا [/poem]
[poem="font="traditional arabic,6,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياليل .. غنيتك همـومٍ وضيقـات= وغنيت أنا بجرحٍ .. من الوقت ذاوي
لايأخذك بالهرج .. حيره وشكـات= مال الجروح .. الا الطبيب المداوي
واللي على شانه .. قطعت العلاقات= خله على .. حبل الجفا والرجـاوي
مالك ومال .. مقابله والطويـلات = أكفخ كما كفخ .. الفريد النداوي
من لا بغا شوفك .. فقله سلاامـات= ماني على قربك .. شفوقاً شفـاوي
[/poem]
[poem="font="traditional arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياصاحبي .. مالك عذر .. وأن تعذرت= يوم أن وجهي بالتجاهـل .. صفعتـه
غيري على نَظمه .. وهرجه تبحـرت= وهرجي تناقصته {هنا} .. ما طبعته
لاشك أنا من غدر وقتي .. تصبـرت= واسبلت انا الغتره.. وراسـي رفعتـه
مير البلا .. يومك على القلب حدرت= وادنيت هرجي .. عقب منته وضعتـه
مدري علينـا يالسنافـي .. تكبـرت= والا غدرك الفكـر ... يـومٍ سمعتـه [/poem]
[poem="font="traditional arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنتظرتك .. والليالي تودي ماتجيب = وأنتخيت الحظ .. والحظ مابه مرجله
ياوسيع العرف .. وأن كان بِك شكٍ وريب = أترك القلب المُعنا .. علامك تشغله[/poem]
[poem="font="traditional arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الشقا والسقم والضيق .. والجرح العطيب= والليـال السـود .. والملعنـه وامثالهـا
والقهر والشيب والغم .. والدرب الصعيب= كلها من عقب فرقاك .. أنا بشتالهـا [/poem]
[poem="font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليالٍ قد مضت وأضنت .. حبيبٍ بالنظر كذاب= حبيبٍ .. باعني واقفى .. وعينه تنظـر لعينـي
على طرق الحدا لبت .. طواريقي وسقت عتاب= وبدَيت الهجوس اللي .. على الطرقـا تودينـي
عرفت أن الجفا نكبه .. عرفت أن الهوى غلاب= عرفت أن الزمن .. قفـل دواليبـه وناسينـي
عرفت الخل جافاني .. وفارقني بدون حسـاب= وماتت قصةٍ عاشت .. وتمت وأنتهـت فينـي
[/poem]
[poem="font="traditional arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الا ياذا العذاب .. اللي تباطيتـه وشـب النـار= عليك القلب كم غنى .. وسجـل لـك تماثيلـه
الا ياهم ذاك الصاح .. توه مـا أنتهـى المشـوار= مادام القلـب .. قـد قنّـد تواصيفـه وتحليلـه
تمرد حلمك الوردي .. على قلبٍ نظـم صبـار= وساق حروف شعراً .. مانطقها شاعـر بـجيلـه
ضفاف الحزن .. وان مدت على شاطيك والمخضار= فلا تجزع على وقـتٍ .. تقافـى وانعفـس ليلـه
وشيل الهم عن عينك .. وجيب من الألم تذكـار= وقهقه واضحك بشوفت .. مراسيلـه ومنديلـه
[/poem]