نسلـم للجميـع وكنهـم يوحـون مـا يـردون=سـلام الله وانـا مـرار وانـتـم لا تـردونـه
أشوف الناس لا حضر الجحش ما تقل فيها عيون=وسلامي للجحش وأدري الجحش يفهم بمضمونه

سلامك وصل ياحمد وانت ماتدري عن المكنـون=وانا مادري لو ادري وش ورا الطاري ووش دونه
ليامنـك دريـت بكارثـه كـل العـرب يـدرون=هلابك مرحبابـك والعلـم معـروف مـن لونـه

أنا أشوف العرب متحيزه كيف أشرح المضمون=وعلى هالوضع حال المنتدى وشلون وشلونـه
لاتلعبها كذا يا صاحبي تـو العـرب بالهـون=تركد لين تصل البيت وتشـوف أول أركونـه

تراء علم الحيـاء والطيبيـن يبيـن مهما يكـون=ولا تقـدر تـرد اللـي يشـوف الجـم بعيونـه
توصيني ميانه وانت لـو تمـون اقـول تمـون=وانا والعمده اول من بنا بيتٍ تشوفونه

عساكم من على القمة لسدر المنتهى تصلون=عساكم تكسبون أكثر من اللي دوم ترجونـه
ترى بيتك على وجهين لونه وصل موزون=عسا فيك أبركه والعمدة الله يحسن ضنونـه

لو يصيب الدّعا دوّرتم ذيابـه ولا تلقـون=ولا ضاع الخروف اللي خذاه السبع بقرونه
سمعنا للجرب حكّه ونسمع للمشكـه كـون=ضربنا لك مثل معروف بسلوبه وبفنونـه

دعينا لك بخير وسالفتكـم حبلهـا مدفـون=عرفت أن الوضيحي والمها ما تفرق أقرونه
لاتتعب صاحبك عرفه يدله ما خذته أظنـون=عساك أتشوف غير الدرب هذا درب تمشونه

مدام انك على الدين _ الحنيف اسمع عسى ماتهون=عرفتـم شـئ لكـن شـئ واجــد ماتعرفـونـه
انا ابانشدك عـن عـذرا تزوجهـا ولـد مجنـون=وجابـت منـه خمسـه ميـر ابوهـم مايريدونـه

لقيت الناس في راسين في روض الجحش يمشون=وليا منه طواهـا القيـض عـد البـدو يردونـه
لا تلعبها كذا يـا صاحبـي مـا تنلعـب هلـون=يضيقنـي غنـاوي لا تعشـاء خبـز صمـونـه

ياليت اخصامنا دايم على هالشاكله ياتـون=نبي نرتاح من جور الزمن مانطلب العونـه
على قدك عطيتك يأحمد إمن التين والزيتون=بلاش من العنى وايامنا ماهـي بمضمونـه

صح لسانهم وبيض الله وجهك على النقل