|
رد .. على ((سويلم مناحي)) .. نيابه عن محمد سلمان .. والجمهور
. . . (( مدخــــــل )) . . . الشعر .. كنه مطر .. يمطر على الساحه = رعده .. رعد بالصدور .. وبارقه لاحي للشعر ناس(ن) تنجم به .. وتجتاحه = وللشعر صندوق له ضبه .. ومفتاحي والشعر مقفول .. لكن وين مفتاحه ؟ = تدرون وينه .. تراه .. سويلم منـــاحـــي !!! . . اخي وعزيزي (( مفتاح الشعر )) سويلم مناحي اشكر شخصك الكريم على تخصيصي بشعرك الراقي وذلك بإسناد قصيدتك الطيبه المنشوره بهذا المنتدى لي وهذا شيء اتشرف به من شاعر كبير بحجمك. وأشكر كل من: شيخ الشعر .. الشاعر/ محمد سلمان الوهيداني والمبدع المتألق .. الشاعر/ مسند العويمري على مجاراتهم الرائعه لقصيدتك. وأنا من هنا ونيابة عن محمد سلمان .. والجمهور .. اهدي لك هذا الرد واتمنى ان يحوز على رضاك واستحسانك انت وجميع الأخوان القراء الأعزاء. هلا مرحبا بالشاعر الي برز له دور = وكفوف المراجل .. تعشق مصافحة كفه هلا ياسويلم .. وانت شاعر علم .. مشهور = وترثة ارجال(ن) تطحن الموت .. وتسفه ياراع القصيد .. الي على المنتدى .. منشور = عياناً .. بياناً .. والجماهير مصطفه قصيد(ن) يشرفني .. كما اللولو المنثور = على شاطي الإبداع .. موج البحر زفه قصيد(ن) جزل .. صفق له المعجب .. المسحور = بسحر البيان .. الي منه مالت الكفه تعدى الخطوط الحمر .. واقبل على المحظور = يحب السنود .. ويكره الجرف .. والطفه حضر .. ينقل الجثه .. الى قبرها المحفور = عليها كفن .. لكن رفض يكشف اللفه ! ولكن ياابو خالد .. مادام الغطاء مستور = ياثقل البلاوي نوب .. واحيان ياخفه راع المشلح الي تحتها .. ثوبه المزور = علامه يبدل ثوب الاصيل .. بالدفه ؟ وعلامه يروح الـ .. حج لكن ماهو مبرور ؟ = تعب له تعب .. لكن رجع ماوصل شفه ونصب له خيام .. وشب بالوادي الممطور = وعمل بهرجه .. والناس تنخاه .. وتدفه عموماً .. ابشرح لك .. وابعطيك مني شور = اليا جاك علم(ن) عن هل الشارقه .. خفه ومادام البلاء الي جاك .. صابك من الدكتور = عليك الصبر .. لاجتك عوجاء .. وملتفه وعسى الله يعين الخاطر .. الساكت .. المكسور = دفعها .. دفعها .. لين صارت على الحفه وتعيش المعاني .. وسطها سرها المقبور = وتطيب النفوس .. الي عن الشر منكفه وسلامك وصل .. ياذايع الصيت للجمهور = والى .. محمد السلمان .. في .. منتدى الكفه وسلامتك ياابو خالد .. انت وجميع القراء الأعـــزاء .. في هذا الموقع الراقي الشامخ. . . . |
وصح اللسانك وبيض الله
وجهك على هذه القصيده الجزله ومن شاعر جزل وبارك الله باالجميع ودمت بخير وصحه |
وصح اللسانك وبيض الله
وجهك على هذه القصيده الجزله ومن شاعر جزل وبارك الله باالجميع ودمت بخير وصحه |
عموماً .. ابشرح لك .. وابعطيك منـي شـور اليا جاك علم(ن) عن هـل الشارقـه .. خفـه شور طيب من طيب صح السانك صح السانك أبدعت لك أرق التحايا |
عبدالله المظهور صح السانك وافي بشعرك وبحضورك بيض الله وجهك
ويشرفني يكون لي بصمه لو بشي قليل مع شعرا لهم مجال كبير بشعر |
ابو محمد لااحب ان اطيل الكلام ولكن اقولك اولاً / اهني نفسي على اختياري لشخصك الكريم ثانيا/ اقولك انك اصبت الهدف ميه بالميه وبيض الله وجهك ثالثا/ صح لسانك ملايين مع علمي بانها لاتكفي وفقك الله وتحياتي لك |
إقتباس:
وتشرفت بكونك اول من يقرأ قصيدتي لك الشكر والتقدير والاحترام |
دعني بدايةٍ أتأمل جمال ماسطرته من حرووف لا والله بل دُرر انبهرت من جمال حبكها وسبكها ثانياً صُح بَوحُك أيها العذب وخالقي وبحق أنت فعلاً شاعر الكفه وتستحق ماوصلت إليه شخصية متميزه ومتفرده ... وشاعرية .. عن الاستنساخ متجرده مُبدع مُبدع أقولها للألف ثالثاً دعني أثمل قليلٍ على سكرةِ حرفك ونزفك سجلني متابع وبشبق لكُل ما تكتُب أيها الشهم النبيل سلمت وسلم بوحك ودمت بخير وستر وعافية |
| الساعة الآن +4: 03:36 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
