اعلاجك ياهمي كل ماجيت راس الحيد = اهوبل على نفسي وجر الهجينيه
لو الجرح ينزف من شرايين و الوريد = ابا اخفيك ياهمي ولا عرف وش فيه
اعيد بوقت العيد في ملبس(ن) جديد= ولاسجد الغير الله بحسنه ولا سيه
على نهج واضح لا مجادل ولا ترديد= وحسم القرار بكلمتين نهايه
ولو سادت السادات سيد وساد وسيد = على اثارهم نقرا رويه اصطوريه
نهايه هرم شامخ والليل (ن)وفك القيد= وبدايه حبر والوان وحروف شعريه
ومعالم على سطح الطبيعة بلا تحديد = وخيال(ن)من التفكير وخطوط وهميه
ولايستمر تمجيد من مابهم تمجيد = نوايا غدر يجهلبها طيب النيه
قنوص الزمان الي لقي في جعبهم صيد = استباحو اديار الصيد لوكان محميه
لو الصيد راضي عيشته بين حد و حيد = لو اكبر اهمومه لقطه الحب و الميه
ويبقى حضيض ان مد في عمره المديد = لو اجمل حياته بديار خلاويه
تشيد القطون وبعد باكر مع الشديد = وتبقى معالم كنها اليوم مبنيه
ولو جمعت الفضه مع اللول و الحديد = نهايه نتيجه تحت صفرين مئويه
حياه السعاده متساوم بكم اتزيد = وحيات المجازف من شموخ (ن) لمهويه

لكن بيع جمله خير من بيعه التفريد = الياصارت البيعه على العز مبنيه